Hún Þorgerður Katrín Gunnarsdóttir utanríkisráðherra sló í gegn á þingi Sameinuðu þjóðanna þegar hún snupraði Benjamin Netanyahu, forsætisráðherra Ísraels, fyrir það hugleysi sem felst í þjóðarmorði á Gaza. Flest almennilegt fólk fagnar málflutningi Þorgerðar í þágu þjóðar í útrýmingarhættu en þó ekki allir. Fyrirséð var að öfgalið Miðflokksins risi upp á afturlappirnar.

Málið kom til umræðu í Silfrinu þar sem flestir voru sammála um kjark og áræði utanríkisráðherrans. Friðjón Friðjónsson, almannatengill og fyrrverandi borgarfulltrúi Sjálfstæðisflokksins, sem er þekktur fyrir þó nokkra skynsemi, fór þó aðra leið og gagnrýndi ráðherra.  

Illugi Jökulsson sagði á samfélagsmiðlum að sorglegt væri að horfa upp á málflutninginn og taldi hann að vera tala sér þvert um hug. „Sé það rétt hjá mér, þá tók flokkshollusta þar stjórnina og það er ævinlega mjög dapurlegt er það hendir skynsamt fólk,“ skrifar Illugi. Fleiri tóku undir með Illuga og sögðu Friðjón vekja furðu ...