Fyrrverandi útfararstjóri í Colorado hefur verið dæmdur í 30 ára fangelsi fyrir að hafa aðstoðað fyrrverandi eiginmann sinn við að fela nærri 200 lík.

Yfirvöld fundu alls 191 lík, sem höfðu verið staflað hvert ofan á annað í byggingu árið 2023, eftir að nágrannar kvörtuðu undan mikilli lykt.

Fyrrverandi eiginmaður konunnar var í febrúar dæmdur í 40 ára fangelsi vegna brota sinna og var af aðstandendum þeirra látnu kallaður „skrímsli“ eftir að í ljós kom að líkin höfðu verið látin rotna.

Málið hefur leitt til fjölda dómsmála og hafði parið áður hlotið þunga dóma fyrir að afhenda ættingjum falskar öskur eftir meintar líkbrennslur.

Konan var einnig dæmd í 18 ára fangelsi í síðasta mánuði í tengdu alríkissvikamáli.