Donald Trump, forseti Bandaríkjanna, vakti athygli á kosningafundi í Port Huron í Michigan þegar hann hrósaði afturenda rapparans Nicki Minaj þar sem hún sat meðal gesta.

Trump beindi sjónum sínum að Minaj í ræðu sinni og sagði erfitt að líta fram hjá henni. Hann bað hana jafnframt um að standa upp svo fundargestir gætu séð hana.

„Ég sá áðan alveg einstaklega fallegan rass, Nicki Minaj. Það er erfitt að missa af honum. Stattu upp. Það er erfitt að missa af þessu,“ sagði Trump.

Forsetinn bætti því við að hann vonaðist til þess að Minaj hefði ekki móðgast vegna ummælanna og sagði hana hafa stutt sig lengi.

Ummælin hafa vakið athygli enda er þetta ekki í fyrsta sinn á skömmum tíma sem Trump ræðir opinberlega um afturenda þekkts einstaklings á kosningafundi.

Á fundi í Highland Heights í Kentucky ræddi hann um afturenda öldungadeildarþingmannsins John Husted og sagðist hafa átt erfitt með að taka augun af honum. Á öðrum fundi í Ohio hafði Trump áður sagt að hann hefði horft á afturenda Husteds til að ganga úr skugga um að þingmaðurinn væri sá mikli íþróttamaður sem af væri látið.