Píanóleikarinn og tónlistarkennarinn Halldór Haraldsson er látinn, 89 ára að aldri. Halldór var einn af áhrifamestu píanókennurum landsins og gegndi um áratugaskeið lykilhlutverki í íslensku tónlistarlífi.

Morgunblaðið greindi frá andláti hans.

Halldór fæddist í Reykjavík 18. febrúar 1937. Hann lauk píanónámi frá Tónlistarskólanum í Reykjavík og síðar einleikaraprófi frá Royal Academy of Music í London. Hann kenndi við Tónlistarskólann í Reykjavík í rúma fjóra áratugi, varð yfirkennari og síðar skólastjóri, auk þess sem hann átti þátt í stofnun Listaháskóla Íslands og kenndi þar.

Hann hélt fjölda tónleika hérlendis og erlendis, lék með Sinfóníuhljómsveit Íslands og var stofnandi Tríós Reykjavíkur. Halldór hlaut meðal annars riddarakross hinnar íslensku fálkaorðu árið 2003.

Eftirlifandi eru eiginkona hans, Susan Haraldsson, tvö börn og fjölskylda þeirra.