Samfés hélt söngkeppni sína í Laugardalshöll í dag þar sem Þróttheimar stóð uppi sem sigurvegari, að því fram kemur í frétt RÚV.

Það var Hallfríður Helga Arnórsdóttir sem tryggði Þróttheimum sigurinn með flutningi sínum á laginu All by Myself. Alls tóku 25 atriði þátt í lokakeppninni eftir að hafa komist áfram úr undankeppnum sem haldnar voru víðs vegar um landið.

Í öðru sæti urðu Þórdís Anna Freysteinsdóttir og Steingrímur Ari Helgason úr félagsmiðstöðinni Tvisturinn með lagið It's All Coming Back To Me Now. Í þriðja sæti hafnaði síðan Gunnlaugur Sturla Olsen úr Fjörheimar með lagið Kókómjólk.

Í dómnefnd sátu Birgir Steinn Stefánsson, Þórdís Björk Þorfinnsdóttir og Júlí Heiðar Halldórsson.

Söngkeppni Samfés hefur verið haldin í núverandi mynd frá árinu 1999 og hefur verið mikilvægur vettvangur fyrir ungt tónlistarfólk á Íslandi. Keppnin er ætluð ungmennum á aldrinum 13 til 16 ára og hefur í gegnum árin reynst stökkpallur fyrir fjölda tónlistarmanna sem síðar hafa haslað sér völl í íslensku tónlistarlífi og víðar.