Íris Helga Jónatansdóttir neitaði sök við þingfestingu vegna fjölda ætlaðra brota, meðal annars umsáturseineltis, skjalafals, hótana, rangra sakargifta, ærumeiðandi ummæla og brota á barnaverndarlögum. Vísir greinir frá neitun hennar.

Um er að ræða 68 atvik.

Samkvæmt ákærunni beinast brotin að fjórum fullorðnum einstaklingum og börnum þeirra. Fyrirtaka málsins fór fram í Héraðsdómi Reykjaness í dag.

Meðal þess gefið að sök að hafa borið á þrjá drengi við Hraunvallaskóla að þeir hefðu sent stelpu í skólanum kynferðislegt myndefni. Samkvæmt ákærunni miðlaði hún þeim ásökunum til samstarfskennara sinna, en þegar málið var kannað af stjórnendum skólans hafi komið í ljós að engar sannanir studdu frásögnina.