Ísafjörður fær rúmar 30 milljónir úr fiskeldissjóði vegna fótboltavallar

Ísfirðingar fá tæpar 77 milljónir í heilda1.440 milljónir hafa verið veittar í heildina í styrk

Mynd: Visit Westfjords

Brynjar Birgisson

Stjórn fiskeldisjóðs hefur úthlutað rúmlega 465 milljónum kr. til 15 verkefna í sjö sveitarfélögum en greint er frá þessu í tilkynningu frá stjórnarráði. Meðal verkefna sem fá pening er knattspyrnuvöllur á Ísafirði, heitir pottar í Súðavík og göngustígar í Bolungarvík.

Frá stofnun sjóðsins 2021 hafa tæplega 1.440 milljónir króna runnið til fjölbreyttra og krefjandi verkefna í viðkomandi sveitarfélögum sem hefur auðveldað þeim að mæta meintum vaxandi kröfum íbúa og atvinnulífs í takt við aukin umsvif í sjókvíaeldi.

Alls bárust 30 umsóknir frá sjö sveitarfélögum sem námu rúmlega 1,7 milljarði króna, tæplega fjórfalt hærri fjárhæð en var til úthlutunar. Umsóknarfrestur var til 10. mars og lauk úthlutun 19. maí.

Eftirtalin 15 verkefni hlutu styrk að þessu sinni:

Bolungarvík - 43.250.000 kr.
Göngustígar og aðkoma „Sandinum“ við Tjarnarkamb í Bolungarvík - 2.880.000 kr. Lundahverfi - nýtt íbúðahverfi í Bolungarvík - 40.370.000 kr.
Fjarðabyggð -134.520.000 kr.
Endurbætur á Íslenska stríðsárasafninu - 44.840.000 kr.
Fjarðabyggðarhöllin, laga þak og skipta um ljós - 44.840.000 kr.
Fráveitan á Eskifirði - 44.840.000 kr.
Ísafjarðabær - 76.660.000 kr.
Slökkvistöð Ísafjarðarbæjar - 44.840.000 kr.
Torfnes upphitun aðalvallar - 31.820.000 kr.
Múlaþing - 44.840.000 kr.
1. áfangi í stækkun leikskólans Bjarkatúns á Djúpavogi - 44.840.000 kr.
Strandabyggð - 8.690.000 kr.
Vatnsveita í Strandabyggð - húsnæði og geislunarbúnaður - 8.690.000 kr.
Súðavík - 61.270.000 kr
Heitir pottar og aðstaða í Súðavík - framhaldsumsókn - 35.610.000 kr.
Slökkvibifreið - 25.660.000 kr.
Vesturbyggð - 95.840.000 kr.
Bíldudalsskóli bygging - 44.840.000 kr.
Fráveita Bíldudal - 7.760.000 kr.
Fráveita Patreksfirði - 7.110.000 k.r
Skólalóð Patreksskóla - 36.130.000 kr.