Jimmy Kimmel lét CBS heyra það með litríku og skeytingarlausu skilaboði eftir að vinur hans, Stephen Colbert, tilkynnti að The Late Show ljúki árið 2026 eftir tíu ár í loftinu með hann í hásætinu.

Kimmel, sem stýrir Jimmy Kimmel Live!, birti færslu á Instagram í gær þar sem hann skrifaði:

„Elskum þig, Stephen. F*** you og alla Sheldona ykkar, CBS.“

Þarna virðist hann vísa til þáttanna The Big Bang Theory og Young Sheldon, tveggja vinsælla þátta CBS þar sem persónan Sheldon Cooper átti stórt hlutverk.

CBS sendi frá sér yfirlýsingu í gær þar sem tilkynnt var að The Late Show hætti árið 2026 vegna fjárhagslegra ástæðna. Í yfirlýsingunni sagði:

„Þetta er eingöngu fjárhagsleg ákvörðun í krefjandi umhverfi kvöldþátta. Hún tengist ekki á neinn hátt gengi þáttarins, innihaldi hans eða öðrum málum hjá Paramount.“

Tilkynningin kemur á áhugaverðum tíma, því aðeins stuttu áður hafði Stephen Colbert gagnrýnt móðurfyrirtæki CBS, Paramount Global, harðlega vegna þess að það samþykkti 16 milljón dollara sátt við Donald Trump. Málið snerist um kvartanir hans yfir klippingu viðtalsins við Kamölu Harris í 60 Minutes.

Colbert kallaði sáttina „feita mútugreiðslu“ og taldi að Paramount Global væri að reyna að tryggja sér samþykki stjórnvalda fyrir margmilljarða sölu á fyrirtækinu til kvikmyndaversins Skydance.

Colbert sýndi þó engin neikvæð viðbrögð gagnvart CBS eða Paramount þegar hann ræddi væntanlegt brotthvarf sitt í þættinum á fimmtudagskvöld.

Hann þakkaði bæði hljómsveit þáttarins og þeim 200 starfsmönnum sem vinna með honum:

„Við fáum að gera þennan þátt saman, alla daga, allan daginn. Og það hefur verið ánægjulegt og ábyrgðarfullt að fá að deila þessu með ykkur fyrir framan myndavélina síðastliðin 10 ár.“

Stephen Colbert tók við The Late Show árið 2015 af David Letterman, sem hafði stýrt þættinum í meira en 20 ár.

Í lok þáttarins sagði Colbert að hann hlakkaði til að halda áfram með þættina „sama hópi af hálfvitum“ næstu 10 mánuðina.