Eins og Mannlíf hefur ítarlega fjallað um var tekist harkalega á í rektorskjöri Háskóla Íslands og kvörtuðu stuðningsmenn Magnúsar Karls Magnússonar og Silju Báru Ómarsdóttur undan hátterni hinna og hefur kjörstjórn skilað af sér skýrslu um kjörið.
Í henni segir kjörstjórn Háskóla Íslands að borist hafi kvartanir vegna kjörsins og segir að í fyrri umferð kjörsins hafi aðallega verið kvartað undan fjöldapóstum þar sem sendendur voru að tjá sig um menn og málefni á meðan kjörfundi stóð. Töldu þeir sem kvörtuðu undan póstunum slíkt vera óviðeigandi.
„Í aðdraganda síðari umferðar sendi kjörstjórn tölvupóst þar sem biðlað var til starfsfólks og nemenda að nota ekki aðgang að HÍ-tölvupóstföngum eða aðrar upplýsingamiðlunarleiðir sem tengjast starfsemi skólans til að koma á framfæri afstöðu sinni til málefna eða með því að brýna kjósendur til að greiða tilteknum frambjóðanda atkvæði sitt. Einnig lokaði upplýsingatæknisvið tímabundið fyrir möguleikann á útsendingu fjölpósta á stóra hópa nemenda og starfsfólks,“ segir í skýrslunni.
„Rektorsskrifstofa sendi báðum frambjóðendum í síðari umferð kosningarinnar tölvupóst í tvígang þar sem þeir voru beðnir um að láta af hringingum í bannmerkta og svöruðu þau bæði og sögðust mundu fara eftir því,“ og bendi kjörstjórn því til frambjóðenda að sýna tillitssemi í kosningabaráttunni.
„Rektorsskrifstofa sendi báðum frambjóðendum í síðari umferð kosningarinnar tölvupóst í tvígang þar sem þeir voru beðnir um að láta af hringingum í bannmerkta og svöruðu þau bæði og sögðust mundu fara eftir því,“ og beindi kjörstjórn því til frambjóðenda að sýna tillitssemi í kosningabaráttunni.
Þá er það mat kjörstjórnar að nauðsynlegt sé að settar verði reglur um hátterni við kosningarnar. Vísar hún þá t.d. um hvernig frambjóðendur megi standa að kynningum og úthringingum. Þá mælir hún einnig með því takmörk verði sett á fjöldapósta á meðan kosningu stendur til þess að hafa ekki áhrif á kjósendur á viðkvæmum tímapunkti. „Þá þarf að gera ráð fyrir einhverjum úrræðum ef brotið er gegn hátternisreglunum, en kjörstjórn hafði engin slík úrræði á grundvelli núgildandi reglna.“
Það er samt sem áður mat kjörstjórnar að rektorskjörið hafi tekist vel og verið háskólanum til sóma. Kosningaþátttaka var frábær að sögn kjörstjórnar og að kosningakerfið hafi reynst óaðfinnanlega.
Silja Bára Ómarsdóttir vann síðari umferð og hlaut 50,7% atkvæða en Magnús Karl Magnússon 47,6%. Í fyrri umferð kosninga hafði Magnús fengið 33,6% atkvæða en Silja Bára 29,3%. Hún tekur því við rektorsembættinu 1. júlí á þessu ári.
Kjörstjórnina skipuðu Aðalheiður Jóhannsdóttir, Ebba Þóra Hvannberg, Gréta Dögg Þórisdóttir, Jens Ingi Andrésson, Sverrir Guðmundsson og Víðir Smári Petersen sem var formaður hennar.
