Tveir karlmenn, báðir frá Litáen, hafa verið ákærðir fyrir þjófnað.

Þeim er gefið að sök að hafa brotist inn í íbúð á 1. hæð til vinstri í íbúð í Hafnarfirði, með því að spenna upp svaladyr og stolið þaðan skartgripum að verðmæti um 2.535.000 kr. Samkvæmt ákærunni á þetta að hafa gerst þriðjudaginn 27. febrúar 2024.

Þess er krafist að þeir verði dæmdir til refsingar og til greiðslu alls sakarkostnaðar. Eigandi skartgripanna gerir einnig kröfu um að fá tjónið bætt en það var metið af gullsmið.

Málið verður tekið fyrir í Héraðsdómi Reykjaness í júní.