Lögreglumenn í bænum Azusa í Kaliforníu, fundu lík 37 ára manns, Eric Valencia, í aftursæti lögreglubíls þar sem hann hafði legið og rotnað.

Lögreglan birti myndbandsupptökur úr búkmyndavélum þar sem sjá má lögreglumennina gera þessa óhugnanlegu uppgötvun í gærkvöld. Þeir spurðu sig sömu spurningar og margir aðrir: Hvernig í ósköpunum endaði Valencia inni í lögreglubílnum?

Samkvæmt lögreglunni í Azusa var Valencia stöðvaður 20. mars grunaður um ölvun við akstur, en börn hans voru í bílnum á sama tíma.

Hann sagðist aðeins hafa drukkið einn bjór, en öndunarpróf sýndi að áfengismagn í blóði hans var nærri tvöfalt yfir leyfilegum mörkum.

Hann var handtekinn, grunaður um ölvunarakstur og stórfellt brot gegn öryggi barna, og vistaður í fangageymslu.

Eftir að honum var sleppt úr haldi 23. mars gekk Valencia að lögreglubíl fyrir utan stöðina, opnaði ólæsta hurð og settist í aftursætið, án þess að sýna merki um vanlíðan.

Daginn eftir tilkynnti fjölskylda hans hann týndan til lögreglu, áður en lík hans fannst, viku seinna.

Dánarorsök hans hefur enn ekki verið staðfest.