Einn Palestínumaður hefur verið drepinn og 16 aðrir særst í árás ísraelskra hermanna og landtökumanna á Palestínumenn sem voru að tína ólífur á Sahl Ramin- og Burqa-sléttunum í norðurhluta Nablus.

Stór hópur ísraelskra landtökumanna, í fylgd hermanna, hóf skothríð á fólk sem var að uppskera ólífur, að því er palestínska fréttastofan Wafa greindi frá. Palestínumaðurinn sem lést var hinn 44 ára Ali Hassan Yosr Al-Bazzari.

Palestínski Rauði hálfmáninn (PRCS) sagði að hann hefði sinnt að minnsta kosti tveimur einstaklingum sem voru í lífshættu eftir að hafa orðið fyrir skotsárum. Aðrir slösuðust eftir barsmíðar og var að minnsta kosti ein kona meðal hinna slösuðu.

PRCS sagði einnig að ísraelskir hermenn hefðu ráðist á starfsmenn samtakanna í Burqa þegar þeir reyndu að koma hinum slösuðum til aðstoðar.