Meirihluti þjóðarinnar býr ekki við þann lúxus að búa á Austurlandi nú þegar enn ein hitabylgjan skellur á landshlutann. Reykvíkingar ganga um brúnaþungir í rigningarsuddanum og gott ef þeir horfa ekki hálf skömmustulega í augu erlendra ferðamanna sem eru klæddir í vetrarúlpur, haldandi á regnhlíf og vita ekki alveg af hverju þeir völdu Ísland sem sumarleyfisstað.

Tískulandið í ár er ekki Spánn eða Frakkland, heldur Ítalía en annar hver Íslendingur virðist hafa heimsótt landið í sumar. Sanna Magdalena Mörtudóttir, borgarfulltrúi Vinstrisins er þó ekki ein af þeim. Hún nýtur nú lífsins í Portúgal með móður sinni, Mörtu Leósdóttur.

Sanna birti ljósmynd af sér í sól og sumaryl með grænan sjóinn í bakgrunni á samfélagsmiðlum en þó að einhverjir, vissulega sjóndaprir, einstaklingar héldu að þarna væri hún stödd í Fellabæ með Lagarfljótið í bakgrunni, er raunin auðvitað allt önnur, enda Lagarfljótið löngu hætt að vera grænt og er orðið skítabrúnt á lit, í þágu samfélagsins og erlendra stórfyrirtækja. Við myndina skrifaði Sanna einfaldlega: „Sumarfrí“.

Sanna birti einnig ljósmyndir og myndskeið í Story hjá sér þar sem sést að hún er stödd á Náðarhöfða eða Ponta da Piedade, sem er nes með einstökum klettamyndunum við strandlengju bæjarins Lagos í Algarve-héraði í Portúgal. sem má sjá hér fyrir neðan.