Það er kostulegt að fylgjast með Áslaugu Örnu Sigurbjörnsdóttur, fyrrverandi þingmanni Sjálfstæðismanna, og fylgitunglum hennar reyna að afsaka að þingkonan hafi fengið í laun rúmar þrjár milljónir meðan hún var í námsleyfi í Bandaríkjunum.

Á meðan sumir Íslendingar berjast í bökkunum stígur Áslaug upp og segist einfaldlega hafa þurft að þiggja þessi laun á meðan hún sinnti engri vinnu. Hún hafi í raun engan annan kost átt.

Það getur vel verið að henni sárni þessi meinta ósanngjarna umræða en eins og maðurinn sagði: Seðlar þerra tárin ...