Hvíta húsið hefur brugðist harðlega við vangaveltum um að Donald Trump Bandaríkjaforseti hafi sofnað á fundi í Hvíta húsinu í gær

Atvikið átti sér stað á viðburði sem haldinn vegna mæðraheilsu og frjósemi. Á meðan embættismenn ríkisstjórnarinnar fluttu ávörp virtist forsetinn loka augunum um stund, sem vakti athygli fjölmiðla og á samfélagsmiðlum

Ljósmyndari fréttastofunnar Reuters birti mynd af Trump með lokuð augun og skrifaði við hana að forsetinn hefði setið við viðburð í Hvíta húsinu í Washington þann 11. maí 2026. Í færslunni var þó hvergi fullyrt að forsetinn hefði sofnað.

Viðbrögð frá Hvíta húsinu létu ekki á sér standa. X-aðgangurinn Rapid Response 47, sem tengist forsetaembættinu, svaraði fréttamanninum með hvössum hætti og sagði að forsetinn hefði einfaldlega verið að blikka.

Demókratarnir Ted Lieu og Jimmy Gomez gagnrýndu forsetann í kjölfarið. Lieu sagði um afar „langt blikk“ að ræða og velti því upp hvað gerðist þegar myndavélar væru ekki til staðar. Þá sagði hann Trump hvorki andlega né líkamlega hæfan til að gegna embætti forseta.

Gomez tók í svipaðan streng og sagði forsetann „sofandi við stýrið“ á sama tíma og stjórnaði Bandaríkjunum.

Þetta er ekki í fyrsta sinn sem Trump vekur athygli fyrir að virðast dotta á fundi. Í desember síðastliðnum vakti hann athygli þegar hann virtist sofna á ríkisstjórnarfundi. Forsetinn hafnaði þeim fullyrðingum síðar og sagði hann einfaldlega hafa lokað augunum af leiða.

Samkvæmt fjölmiðlum átti hann einnig erfitt með að halda augunum opnum á fundi með lyfjafyrirtækjum í Hvíta húsinu í síðasta mánuði.