Knattspyrnumaðurinn Tyler Fariman er látinn eftir að bifreið ók á hóp gangandi vegfarenda í Arnold í Nottinghamskíri skömmu eftir klukkan eitt aðfaranótt laugardags. Lögregla rannsakar nú á málið sem manndráp.

Fjórir aðrir slösuðust í atvikinu þegar Vauxhall Astra var ekið upp á gangstétt og inn í hóp fólks.

Duane Anthony, 40 ára, var upphaflega ákærður fyrir fimm tilraunir til manndráps vegna málsins. Eftir andlát Fariman hefur rannsóknin verið færð upp í manndrápsrannsókn.

Anthony var handtekinn á laugardagskvöld og kom fyrir dóm á mánudag þar sem hann var einnig ákærður fyrir ólögmæta töku ökutækis, akstur sviptur ökurétti og akstur án gildrar tryggingar. Hann á að mæta fyrir Nottingham Crown Court þann 8. júní.

Fariman, sem var 26 ára, lék með Woodthorpe Park Rangers FC í Senior League Nottinghamskíris síðustu þrjú tímabil.

Áður en tilkynnt var um andlát hans sagði félagið í yfirlýsingu á samfélagsmiðlum:

„Þrír liðsmenn okkar, þar á meðal stjórinn, urðu fyrir bíl í miðbæ Arnold. Einn leikmanna okkar berst nú fyrir lífi sínu á sjúkrahúsi.“

Síðar bætti félagið við:

„Við vonum og biðjum fyrir leikmanni okkar sem allir elska. Við reynum að styðja hvert annað eins vel og við getum. Þetta er hræðilegur og sorglegur tími fyrir félagið okkar.“

Ruby Burrow, rannsóknarlögreglufulltrúi málsins, sagði að hugur lögreglu væri hjá fjölskyldu og ástvinum Tyler Fariman á þessum erfiða tíma.

Hún sagði jafnframt að sérþjálfaðir lögreglumenn væru að styðja bæði fjölskylduna og aðra sem urðu fyrir áhrifum af árekstrinum.

Burrow hvatti fólk einnig til að hætta að dreifa myndskeiðum af atvikinu á samfélagsmiðlum.

„Fjölskylda Tyler hefur óskað eftir því að öll myndbönd verði fjarlægð svo hún geti syrgt í friði,“ sagði hún.