Samfylkingin, Píratar, Sósíalistaflokkurinn, Flokkur fólksins og Vinstri græn í borgarstjórn Reykjavíkur hafa ákveðið að hefja formlegar viðræður um samstarf á nýjum grunni en þetta kemur fram í tilkynningu frá flokkunum.
Eins og flestir þekkja sleit Einar Þorsteinsson borgarstjóri meirihlutasamstarfi Framsóknar, Samfylkingar, Viðreisnar og Pírata í síðustu viku og ætlaði hann að reyna mynda nýjan meirihluta þar sem Framsóknarflokkurinn, Viðreisn, Sjálfstæðisflokkurinn og Flokkur fólksins væru við völd. Ekki er talið líklegt að slíkt sé í kortunum.
„Markmið okkar er að setja velferð og lífskjör allra Reykvíkinga í forgrunn.
Við ætlum að vanda vel til verka og munum upplýsa um gang mála eftir því sem vinnan þróast.“
Undir tilkynningu rita:
Sanna Magdalena Mörtudóttir, Sósíalistaflokkur Íslands
Líf Magneudóttir, Vinstri græn
Dóra Björt Guðjónsdóttir, Píratar
Heiða Björg Hilmisdóttir, Samfylkingin
Helga Þórðardóttir, Flokkur fólksins
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir