Glúmur Baldvinsson
„Þetta verða löng málaferli“
Glúmur Baldvinsson
Fólk

Átta algeng mis­tök sem gælu­dýra­eig­endur gera

Heimur

Kenn­ingar uppi um að geim­skip hafi stöðvað flug­um­ferð í Banda­ríkj­unum

Innlent

Ísland sett í frystikist­una næstu daga

Innlent

Ald­urs­mis­munun hjá lög­regl­unni undir stjórn Höllu Bergþóru

Skoðun

Það er ekki nægur mennta­hroki á Íslandi

Innlent

Dómari fór í taug­arnar á borg­ara

Innlent

Ökumaður kærður fyrir að skilja bíl sinn eftir í lausa­gangi

Fólk

Hlýlegt heim­ili með grónum garði í Skerja­firði til sölu

Innlent

Egg og kyn­þátt­a­níð í alvar­legum ásök­unum

Innlent

Barna­nauð­gari gjald­þrota

Anna gleðst yfir veðrinu en hefur áhyggjur af ársuppgjörunum: „Þið eigið alla mína samúð í dag“

Anna Kristjánsdóttir
Anna Krist­jáns­dóttir Mynd: Facebook

Anna Krist­jáns­dóttir hefur engar áhyggjur af veðr­inu framundan enda er blessuð blíðan með lög­heim­ili á Tenerife.

Í nýj­ustu dag­bók­ar­færslu sinni talar vél­stjór­inn og þjóð­ar­ger­semin Anna Krist­jáns­dóttir um veðrið á Tenerife og fjár­fest­ingar. Í fyrri hluta færsl­unnar, sem hún birti á Facebook í morgun, er veðrið henni hug­leikið en hún segir Íslend­inga eiga alla hennar samúð en app­el­sínugul við­vörun er yfir öllu land­inu nú þegar lægð nálg­ast landið óðfluga.

„Dagur 2003 – Blessuð blíðan.

Mikið er nú gott að vera stödd hér suður í höfum í blíð­skap­ar­veðri og laus við áhyggjur af veðr­inu á Íslandi. Þetta er ein af ástæð­unum fyrir því að ég vildi breyta húsa­leigu­samn­ingnum frá ára­mótum yfir á mitt sumar. Að flytja til Íslands um hávetur er svo fjarri mér að ég get vart hugsað þá hugsun til enda.

Til að fyr­ir­byggja allan mis­skiln­ing, þá gerði ég mér grein fyrir því miðað við lögin frá því í des­em­ber 2023, að afnám per­sónu­af­slátt­ar­ins  yrði mér nán­ast um megn miðað við líf­eyr­is­greiðsl­urnar mínar og því yrði ég að flytja heim­il­is­festið til Íslands og hugs­an­lega einnig sjálfa mig. Með því að þetta ákvæði var afnumið með laga­breyt­ingu fyrir jólin 2024 liggur mér ekk­ert á lengur og mun von­andi eiga tvö til þrjú ár til við­bótar  hér í Paradís.

Það er samt fremur svalt hér þessa dag­ana, hit­inn rétt skríður yfir 20°C á dag­inn og fer niður í 15°C á nótt­unni. Þið hin sem búið á Íslandi eigið svo alla mína samúð í dag og á morgun, en von­andi fer allt vel.“

Í seinni hluta dag­bók­ar­færslu Önnu talar hún um árs­upp­gjör en hún á hlut í nokkrum fyr­ir­tækjum, þar á meðal Icelandair.

„Nú er komið að árs­upp­gjörum fyrir okkur fjár­fest­ana. Enn einu sinni veldur árs­upp­gjör Icelandair mér von­brigðum þrátt fyrir að for­stjór­inn hafi talað upp vænt­ing­arnar.  Ef mig mis­minnir ekki, hefur Icelandair ekki greitt út arð síðan 2017 frekar en 2018. Eru kannski of margir milli­stjórn­endur á of háum launum? Kannski kom­inn tími til að hrista upp í hópnum og bæta kjör þeirra sem eru á gólf­inu eða í háloft­unum, fólk­inu sem vinnur verkin?“

Þá talar Anna um önnur fyr­ir­tæki sem hún á hlut í en upp­gjörið er mis­gott hjá þeim eins og gengur og ger­ist.

„EIK er með jákvæðar nið­ur­stöður og kannski örlítil aukn­ing á arði úr þeirri átt­inni, en Eimskip sýnir verri afkomu en áður. Það er eðli­legt úr því félagið lét Fær­ey­ing­ana um að ná til sín bíla­flutn­ing­unum og þá í gegnum Þor­láks­höfn. Næstu dag­ana munu félögin birta árs­reikn­ing­ana hvert af öðru og vafa­laust mun bros mitt breikka eftir því sem gróð­inn verður meiri, en ann­ars verður fýlu­svipur.“

Anna segir að fjár­magnstekjur hennar eftir skatta í fyrra hafi verið lægri en síð­ustu tvö ár á undan og að hún hefði allt eins getað geymt pen­ing­inn inn á banka­bók.

„Fjár­magnstekjur mínar eftir skatta í fyrra voru lægri en bæði 2022 og 2023 þrátt fyrir aukn­ingu hluta­fjár­eignar minnar. Ég hefði alveg eins getað geymt aurana mína inni á banka­bók og fengið meira í vexti og ekki hefur Icelandair aukið við vonir mínar. Ég á hluti í nokkrum félögum sem hafa gefið gott af sér svo það er óþarfi að örvænta strax, en samt. Að eiga hluti í tíu félögum er alveg nóg fyrir gamla konu sem lifir af líf­eyr­is­sparn­aði og fjár­magnstekjum og sleikir sól­ina suður í höfum ell­efu mán­uði árs­ins.

If you can´t beat them, join them!“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Aðskota­efni í kexi

Neytendur sem eiga umrædda vöru eru beðnir um að neyta hennar ekki, heldur farga henni
Innlent

Íslend­ingar flykkj­ast á bóka­söfnin sem aldrei fyrr

Innlent

Verð­munur á bök­un­ar­vörum nær 66 pró­sentum milli versl­ana

Slúður

Neyð­ar­kall Gunnars Smára

Heimur

Stærsta rann­sókn sinnar teg­undar sýnir að eft­ir­sjá vegna kyn­leið­rétt­ingar er afar sjald­gæf

Menning

Menning

Ris og fall Krumma

Einn besti tónlistarmaður landsins á 21. öldinni
Menning

Laxness slær í gegn hjá The Guardian

Menning

Martröð í Mið­húsa­skógi

Menning

Dóttir.x til­nefnd til Music Moves Europe-verð­laun­anna 2027

Menning

Ein besta rapp­sveit Íslands­sög­unnar snýr aftur á svið

Menning

Kíkja í jóla­pakk­ann í Gerðu­bergi