Leið að heilbrigðri húð

Sykurát í hófi

Í rann­sókn frá árinu 2013 var teng­ing á milli blóð­syk­urs og öldr­un­ar­um­merkja skoðuð. Þeir sem tóku þátt og voru með háan blóð­syk­ur­s­stuðul voru einnig taldir líta út fyrir að vera eldri en þeir voru. Margar okkar eru fastar í víta­hring þess að blóð­syk­ur­inn hækkar og lækkar í gríð og erg og húðin okkar ber þess merki.

Drekka vatn

Við höfum öll heyrt mik­il­vægi þess að drekka nógu mikið vatn. Þannig að við mælum með því að hafa vatns­flösku við hönd­ina öllum stundum.

Aldrei er góð vísa of oft kveðin. Ekki gleyma að drekka nóg vatn.

Snyrtivörur með lágu alkóhólmagni

Alkóhól er meðal ann­ars notað til þess að inni­halds­efnin í snyrti­vörum bland­ist vel saman, sem rot­varn­ar­efni og til þess að minnka svita­holur okkar til skamms tíma litið. En sumar teg­undir alkó­hóls þurrka húð­ina, eru ert­andi og valda húð­inni skaða.

Varast óæskileg ilmefni

Margir snyrti­vöru­fram­leið­endur nota ilm­efni og önnur óæski­leg efni sem stífla svita­hol­urnar, pirra húð­ina og koma í veg fyrir að húðin okkar fái að anda. Gott er að velja nátt­úru­legar snyrti­vörur þegar tæki­færi gefst og forð­ast inni­halds­efni sem eiga það til að valda pirr­ingi í húð­inni.

Það borgar sig að vanda valið þegar kemur að húð­vörum.

Þrífa húðina

Elsta reglan í bók­inni er sú að þrífa farð­ann af húð­inni fyrir svefn­inn og við þreyt­umst ekki á að tala um það. Að sama skapi er mik­il­vægt að þrífa húð­ina áður en farið er á æfingu því þegar þú svitnar og svita­hol­urnar opn­ast safn­ast óhrein­indi, olía og farði í þær.

Andlitsskrúbbur

Mundu eftir því að losa þig við dauðar húð­frumur með góðum and­lits­skrúbbi. Með aldr­inum þurfum við meira á því að halda og þannig kom­ast anti-aging- húð­vör­urnar betur inn í húð­ina en sitja ekki ein­göngu ofan á dauðum húð­frumum. Gott er að venja sig á að skrúbba 3-4 sinnum í viku. Ef þú ert með við­kvæma húð pass­aðu upp á að skrúbba ekki of harka­lega.