Bakarameistarar vekja athygli á að kökugerð er lögvernduð starfsgrein: „Þetta er óboðleg staða“

 Í 46. tölu­blaði Vikunnar er að finna við­tal við Evu Maríu Hall­gríms­dóttur. Eva er eig­andi Sæta synda og í við­tali við Vikuna lýsti hún því hvernig hún hafi fengið mót­spyrnu frá öðrum í bak­ara­geir­anum.

„Þegar ég var að und­ir­búa opn­un­ina í Nethyl fékk ég tölvu­póst frá manni sem sagð­ist vera fyrr­ver­andi bak­ari og ég skyldi sko ekki halda það að ég fengi að hafa þetta fyr­ir­tæki mitt í friði; bak­arar myndu sjá til þess,“ segir Eva m.a. í við­tal­inu. 

„Það heyrð­ist svo ekki meira frá þessum manni en nokkrum dögum eftir að hann sendi mér þennan póst fékk ég bréf frá lög­regl­unni og í því stóð að grunur léki á að ég hefði brotið lög og ég ætti von á kæru frá Samtökum iðn­að­ar­ins, eða bök­urum.“

Landssamband bakarameistara segir stöðuna óboðlega

Í ljósi umræð­unnar hefur Lands­sam­band bak­ara­meist­ara sem er aðild­ar­fé­lag Samtaka iðn­að­ar­ins sent frá sér frétta­til­kynn­ingu. Með til­kynn­ing­unni vill sam­bandið minna á að bak­ara­iðn og köku­gerð eru lög­vernd­aðar starfs­greinar. „Eftirlit með því að iðn­að­ar­lög­unum sé fylgt eftir hvílir á herðum iðn­að­ar­stétt­ar­innar sjálfrar og eina úrræðið er að kæra ófag­lærða aðila sem gengið hafa inn á svið iðn­grein­ar­innar til lög­reglu. Þetta er óboð­leg staða,“ segir m.a. í til­kynn­ing­unni.

Frétta­til­kynn­ing­una má lesa í heild sinni hér fyrir neðan:

Bak­ara­iðn og köku­gerð eru lög­vernd­aðar starfs­greinar

Í ljósi umfjöll­unar um iðn­rekstur sem er án til­skil­inna rétt­inda vill Lands­sam­band bak­ara­meist­ara koma því á fram­færi að störf iðn­að­ar­manna sem og réttur þeirra til að reka iðnað í atvinnu­skyni nýtur lög­vernd­unar. Það á við um bak­ara­iðn og köku­gerð. Til­gangur þess er að vernda neyt­endur, tryggja gæði og fag­mennsku enda hafa bak­arar og köku­gerð­ar­menn lokið bók­legu og verk­legu námi til að öðl­ast kunn­áttu og færni í fag­inu.

Ekkert eft­ir­lit er til staðar af hálfu hins opin­bera um fjöl­margar lög­vernd­aðar iðn­greinar. Eftirlit með því að iðn­að­ar­lög­unum sé fylgt eftir hvílir á herðum iðn­að­ar­stétt­ar­innar sjálfrar og eina úrræðið er að kæra ófag­lærða aðila sem gengið hafa inn á svið iðn­grein­ar­innar til lög­reglu. Þetta er óboð­leg staða.

Þrátt fyrir að ekk­ert eft­ir­lit né raun­hæf úrræði séu fyrir hendi til að stöðva ólög­mæta starf­semi ófag­lærðra bak­ara og köku­gerð­ar­manna áskilur Lands­sam­band bak­ara­meist­ara sér áfram rétt til að verja hags­muni stétt­ar­innar og tryggja vernd neyt­enda fyrir því að þeir ein­stak­lingar sem starfa á sviði lög­vernd­aðra iðn­greina hafi öðl­ast til­skilda menntun og hæfni til verks­ins.