Borgarleikhúsið býður 10. bekkingum í leikhús

„Mikið líf og fjör hefur verið hjá okkur á sér­stökum sýn­ingum á Allt sem er frá­bært fyrir 10. bekk­inga í Reykja­vík,“ segir á heima­síðu leik­húss­ins. Um 1500 nem­endur koma til með að mæta á sýn­ing­arnar en fjórar sýn­ingar voru í sein­ustu viku og tvær til við­bótar í lok nóv­em­ber.

Allt sem er frá­bært er ein­leikur með Vali Frey Ein­ars­syni í leik­stjórn Ólafs Egils Egils­sonar, en sýn­ingin var frum­sýnd í sept­em­ber 2018. Var henni vel tekið bæði af áhorf­endum og gagn­rýnendum.

„Við erum stolt af þess­ari sýn­ingu og teljum hana mjög við hæfi fyrir ungt fólk á þessum aldri sem oft á tíðum glímir jafn­vel við dep­urð, sorg og aðra erf­ið­leika í líf­inu. Við von­umst til að sýn­ingin hafi þau áhrif að kenn­arar og aðrir aðstand­endur sjái þörf á að vinna með efnið áfram.“

Listi yfir allt sem er frá­bært, númer 1. Ís með dýfu.