Byrjaði að taka upp á fermingargræjur bróður síns

„Ég og Hrafn kynnt­umst fyrir um það bil 10 árum þegar við túruðum með Barða Jóhanns­syni og hljóm­sveit­inni Bang Gang. Það var mjög skemmti­legur tími og við fórum nokkrum sinnum til Kína og Frakk­lands,“ segir Arnar. „Fljót­lega eftir að við kynnt­umst deildum við saman hljóð­veri, ég var með stúd­íóið á dag­inn og Hrafn á kvöldin. Fyrir rúmum tveimur árum fannst okkur vera kom­inn tími til að prófa vinna saman þannig að við héldum fund. Þegar við bárum saman bækur okkar komumst við að því að við vorum alveg á sömu línu og áttum slatta af lögum sem pössuðu vel saman.“

Kapp­arnir hafa fengið góðar við­tökur bæði hér heima og erlendis. Spurður hvort stefnan sé sett á útlönd og tón­leika­hald svarar hann að svo sé, þeir séu að vinna í þeim málum og spenntir yfir að spila meira á tón­leikum. Arnar ætti að vera vel vanur að pakka ofan í töskur og túra um heim­inn en eins og fyrr segir var hann í hljóm­sveit­inni Leaves sem hefur gert mjög góða hluti hér heima og erlendis. Hljóm­sveitin túraði út um allan heim með mörgum af þeirra upp­á­halds hljóm­sveitum á borð við Supergrass og fleirum. Einnig var spilað á mörgum stærstu tón­list­ar­há­tíðum heims eins og Gla­ston­bury.

„Það voru ótrú­leg for­rétt­indi að fá að ferð­ast um allan heim með Leaves. Það hlýtur að vera draumur alls tón­list­ar­fólks að fá svona tæki­færi,“ segir hann. „Það sem stendur helst upp úr hjá mér er að hafa gert þetta allt með æsku­vinum mínum.“

Hljóðritaði fyrstu plötu Kaleo

Arnar á og rekur Aeronaut Studios sem er lítið hljóð­ver úti á Granda og hefur komið að fjölda tón­list­ar­verk­efna í gegnum tíð­ina. Hann hefur verið að taka upp frá því að hann byrj­aði að spila á gítar tíu ára gam­all.

„Ég byrj­aði að taka upp á Goldstar-ferm­ing­argræjurnar hans Sigga bróður til þess að heyra gít­ar­leik­inn minn og svo hef ég oft tekið upp það sem ég hef verið að gera. Fyrsta heila platan sem ég tók upp fyrir ein­hverja aðra en sjálfan mig var með hljóm­sveit­inni Tenderfoot (Without grafity) árið 2004. Síðan þá hef ég tekið upp fjöld­ann allan af tón­list­ar­fólki,“ segir Arnar.

Hann vann til dæmis fyrstu plötu Kaleo og einnig helm­ing­inn af A/B-plöt­unni þeirra. „Það hefur verið ótrú­legt að fylgj­ast með Kaleo-strák­unum. Hlut­irnir gerð­ust á svo miklum hraða og algjör­lega verð­skuldað að mínu mati. Ég get samt ekki sagt að ég hafi búist við því sem kom í kjöl­farið af fyrstu plöt­unni því það þarf alltaf mikla heppni til þess að allt gangi upp. Þeir eru ótrú­lega vinnu­samir og alltaf trúir sjálfum sér þannig að það er algjör­lega frá­bært að þetta hafi farið á flug.“

Hvað er svo fram undan hjá þér og Warmland? „Fram undan hjá mér eru mörg spenn­andi verk­efni í stúd­íó­inu. Ég er að fara gera tón­list við heim­ild­ar­mynd eftir franska leik­stjór­ann Thierry Robert en ég hef unnið mikið með honum und­an­farin ár. Þetta er fjórða myndin sem ég geri með honum en tón­listin mín við mynd­ina La Forêt kom út í júní. Svo eru spenn­andi tímar fram undan með Warmland. Fleiri tón­leikar og svo ætlum við að fara vinna nýja tón­list fljót­lega.“

Texti / Sigrún Guðjohn­sen