Í yfirlýsingu sem Kristín sendi fyrir hönd Leikfélags Reykjavíkur í gærkvöldi segir að stjórnin telji niðurstöðu dómsins skapa óvissu um hvernig stjórnendum á vinnustað beri að rækja skyldur sínar um að tryggja vellíðan og öryggi starfsfólks.
„Þessi niðurstaða héraðsdóms skapar að mati stjórnar LR óvissu um skyldur vinnuveitanda gagnvart starfsfólki, hvort þeim sé yfir höfuð heimilt að taka á móti slíkum kvörtunum í trúnaði, hvort hinn meinti gerandi eigi rétt á því að trúnaður við þau sem kvartað hafa sé brotinn og að lokum hvernig bregðast skuli við slíkum ásökunum. Það er að segja hvort ásakanirnar sem slíkar skapi hinum meinta geranda vernd gegn uppsögnum umfram það sem almennt tíðkast á almennum vinnumarkaði.“
Stjórnin gerir einnig athugasemd við að í forsendum dómsins komi fram að Atli Rafn hafi eftir atvikum átt rétt á að breyta hegðun sinni. Telur stjórnin þá kröfu ekki eiga við á almennum vinnumarkaði þó að hún eigi við í opinberum starfsmannarétti.
Undir yfirlýsinguna skrifa Kristín Eysteinsson, leikhússtjóri Borgarleikhússins, og Eggert Benedikt Guðmundsson, formaður stjórnar Leikfélags Reykjavíkur.
Athugasemdir