Erla slegin óhug: „Þetta er slóð óhugnaðar alla leið“

„Þetta er ítrekun á öllum mínum von­brigðum með aðkomu stjórn­valda að þessu máli, sem er til mik­illar skammar á öllum stigum þess. Bara öllum. Þetta er slóð óhugn­aðar og von­brigða alla leið,“ segir Erla Bolla­dóttir, um þær fréttir að íslensk yfir­völd hafi aldrei með form­legum hætti óskað gagna eða aðstoðar þýskra yfir­valda við upp­gjör Guð­mundar- og Geir­finns­máls­ins þrátt fyrir aðkomu þýska rann­sókn­ar­ráð­gjafans Karl Schütz að rann­sókn máls­ins, eins og kom fram í Mannlífi í dag. Þar var jafn­framt greint frá að þessar upp­lýs­ingar hefðu komið fram í svari við fyr­ir­spurn Andrejs Hunko, þing­manns Die Linke í þýska þing­inu.

Erla seg­ist jafn­framt hafa verið slegin óhug við að sjá á prenti umfjöllun um athafnir Karls Schütz, manns­ins sem er sagður hafa kennt íslenskum lög­reglu­mönnum pynt­ingar sem voru nýttar við yfir­heyrslur yfir sak­born­ingum í mál­inu.
„Sam­skipti mín við þennan mann rifj­ast upp, meðal ann­ars hvað hann var þaul­skipu­lagður í að spila inn á til­finn­ingar mínar á óhugna­legan hátt, bæði í yfir­heyrsl­unum og utan þeirra. Nokkuð sem ég gleymi seint. Bara það eitt að sjá nafn hans í blað­inu ykkar rifjar upp óhugnað,“ segir hún, en í við­tal­inu við þing­mann­inn Hunko í Mannlífi í dag segir hann meðal ann­ars ótrú­legt til þess að hugsa að pynt­ingar skuli hafa verið not­aðar til að fá fram játn­ingar í mál­inu.

Eins og fram kemur í umræddu við­tali er talið að þýsk lög­reglu­yf­ir­völd gætu átt nokkuð af gögnum er varða rann­sókn máls­ins á átt­unda ára­tugnum. Erlu finnst grát­legt að heyra það og telur það vera lýsandi fyrir vinnu­brögð íslenskra stjórn­valda að þau skuli aldrei hafa séð ástæðu til að kalla eftir þeim.
„Einmitt þegar ég hélt að þau gætu ekki málað sig meira út í horn í þessu þá kemur þetta á dag­inn. Stjórn­völd hafa haft nægan tíma til að hugsa málið og ljúka því á þann hátt að allir geti verið sáttir. En svo virð­ist að frá upp­hafi snú­ist öll við­leytni íslenskra stjórn­valda um að loka augum og eyrum og vona að þetta mál hverfi. Það hefur vantað alla virð­ingu fyrir því fólki sem hefur mátt líða fyrir ófor­svar­an­lega með­ferð á öllu stigum í ára­tugi. Betra væri fyrir alla ef stjórn­völd átt­uðu sig á þeirri ábyrgð sem á þeim hvílir og öxl­uðu hana.“

Þess má geta að Erla var í stóru við­tali í Mannlífi fyrr á árinu. Þar gagn­rýndi hún rann­sókn­ina harð­lega og benti á að nýjir þýskir þættir, Skandall, sem fjalla meðal ann­ars um rann­sókn­ina, sýni vel þá und­ar­legu afgreiðslu sem málið fékk á sínum tíma hjá lög­regl­unni, fyrst í Keflavík en síðan í Reykja­vík.

Lestu um nýj­ustu vend­ingar í mál­inu hér.
Ítar­legri umfjöllun verður svo um það um helg­ina.