Púðursykursmarensinn hennar ömmu

Ég hef spurt þónokkra í kringum mig hvort þeir hafi orðið varir við mar­enskökur á ferða­lögum sínum um heim­inn. Svarið er eig­in­lega alltaf nei eða að það hafi alla vega ekki verið mjög áber­andi. Því fór ég að velta fyrir mér hvort mar­ens­á­hugi og -ást sé eitt­hvað sér­ís­lenskt fyr­ir­bæri. Um það er erfitt að full­yrða en það er alveg á hreinu að mar­ens er engu að síður mjög vin­sæll á Íslandi. Varla er haldin íslensk veisla án þess að skellt sé í mar­ens og borin fram girni­leg og góm­sæt mar­en­sterta. Það var þessi ein­staki áhugi land­ans á mar­ens sem varð einmitt kveikjan að gerð þessa mar­ens.

3 botnar

150 g eggja­hvítur (4 stk.), við stofu­hita
½ tsk. salt
360 g púð­ur­sykur (4 dl)
1 tsk. lyfti­duft
½ tsk. edik
100 g döðlur, skornar smátt
100 g suðusúkkulaði, saxað smátt
500 ml rjómi, þeyttur

Hitið ofn­inn á 150°C. Und­ir­búið bök­un­arplöt­urnar með því að setja á þær bök­un­ar­pappír og strikið hringi til að nota sem skapa­lón. Setjið eggja­hvít­urnar í hræri­vél­ar­skál­ina ásamt salt­inu og lyfti­duft­inu og byrjið að þeyta á miðl­ung­hraða.

Þegar þær eru byrj­aðar að freyða ágæt­lega, eftir 2–3 mín. hækkið þá hrað­ann og setjið syk­ur­inn saman við í 3–5 skömmtum og þeytið vel í á milli. Heild­ar­tím­inn á þeyt­ing­unni er um 10–13 mín. En þegar mar­ens­deigið er orðið glans­andi og stífir toppar farnir að mynd­ast er það til­búið. Púð­ur­sykur er gróf­ari en hvítur sykur og leys­ist verr upp en það er í lagi hér. Bætið edik­inu við og hrærið áfram.

Að lokum blandið þið saxaða súkkulað­inu og döðl­unum var­lega saman við. Setjið deigið á bök­un­arplöt­urnar og bakið í 60–90 mín. Takið út úr ofn­inum og látið kólna. Geymið í plast­poka þangað til þið setjið saman. Látið þeyttan rjóma á milli, ásamt súkkulaðisósu og skreytið með döðlum og súkkulaði.

Súkkulaðisósa

Hér er líka hægt að nota til­búna
súkkulaðisósu
200 g suðusúkkulaði
400 ml rjómi
½ tsk. salt

Hitið rjómann í potti að suðu og bætið súkkulað­inu og salt­inu saman við. Látið standa í 4 mín. Hrærið vel saman.

Texti / Gunnar Helgi Guð­jóns­son
Stílisti / Hanna Ingi­björg Arn­ars­dóttir
Mynd / Heiðdís Guðbjörg Gunn­ars­dóttir