Lögreglan ætlar ekki að rannsaka COVID-skipið: „Útgerðin stefndi áhöfn í hættu“

Lög­reglan á Vest­fjörðum seg­ist ekki vera með mál tog­ar­ans Júlíusar Geir­munds­sonar á sínu borði. Frétta­blaðið greinir frá því. Mannlíf greindi frá því í gær að for­svars­menn Gunn­varar hafi ítrekað verið hvattir til að halda með skipið í land í COVID-sýna­töku. Þau til­mæli bár­ust frá umdæm­is­lækni sótt­varna á Vest­fjörðum, Súsönnu Björgu Ást­valds­dóttur, meðal ann­ars á þriðja degi túrs­ins. Útgerðin lét það sem vind um eyru þjóta.

Sjá einnig: Útgerð frysti­tog­ar­ans hlýddi ekki lækni: Veikum sjó­mönnum haldið úti á sjó

Finn­bogi Sveins­son, for­maður Verka­lýðs­fé­lags Vest­firð­inga, hefur kallað eftir því að  yfir­völd rann­saki málið. „Með hátt­semi sinni stefndi útgerðin áhöfn og öryggi skips­ins í hættu og fór þannig á svig við meg­in­reglur sigl­inga­laga sem ætlað er að tryggja öryggi áhafnar og skips. Hlýtur slíkt að koma til skoð­unar hjá eft­ir­lits­að­ilum eða lög­reglu,“ segir í yfir­lýs­ingu félags­ins vegna máls­ins.

Karl Ingi Vil­bergs­son, lög­reglu­stjóri á Vest­fjörðum, segir við Frétta­blaðið að málið hafi ekki komið til sín. Hann segir menn hafa velt því fyrir sér að fara í sjálf­stæða rann­sókn en virð­ast nið­ur­staðan hafa verið að sleppa því. „Þetta er spurn­ing um það hve­nær skip á að fara í land vegna veik­inda um borð og spurn­ing hvort þarna hafi sjó­manna­lög verið brotin,“ er haft eftir honum.

Hann segir að málið yrði rann­sakað ef það yrði kært. „Það er með þetta eins og hvað annað, við könnum hvort að brot hafi verið framið og hvort það séu þá refsi­heim­ildir fyrir því. En ég er ekki að segja að við ætlum að taka þetta mál sér­stak­lega fyrir frekar en neitt annað.“