Snyrtivörukaup karla minna feimnismál en áður

„Karlar eru allir að koma til þegar kemur að snyrti­vöru­notkun, en mættu vera óhrædd­ari við að víkka sjón­deild­ar­hring­inn,“ segir Karin Krist­jana Hindborg, stofn­andi og eig­andi versl­un­ar­innar Nola. Versl­unin býður upp á vand­aðar snyrti­vörur og opnar á næst­unni net­verslun fyrir karla, nolaman.is.

Lait Creme.

„Karlar í dag eru mun dug­legri að nota snyrti­vörur þótt enn séu ein­hverjir feimnir við það,“ segir Karin. „Það eru til dæmis þessir gall­hörðu „karl­menn“ sem segj­ast stoltir aldrei hafa notað neitt svona pjatt en standi enn í lapp­irnar. Eða þeir sem læð­ast í snyrti­vöru­deildir og lauma ein­hverju í körf­una og eru með til­búna afsökun þegar kemur að því að greiða, eins og að snyrti­vör­urnar séu fyrir kon­una.
Aðrir koma svo algjör­lega af fjöllum þegar við spyrjum hvort þeir noti húð­vörur, hafa ekki hug­mynd um af hverju þeir ættu að prófa þær en eru samt for­vitnir. Síðan eru það þeir sem eru „komnir á vagn­inn“ og finna og sjá ávinn­ing­inn af því að nota húð­vörur og eru algjör­lega ófeimnir – sem er frá­bært.“

Karin segir nokkrar ástæður valda því að karlar telji snyrti­vörur feimn­is­mál. „Ein ástæðan er bara almennt þekk­ing­ar­leysi. Mark­aðs­setn­ingu snyrti­vara er oft­ast beint að konum og þess vegna finnst kannski ein­hverjum að snyrti­vörur séu bara fyrir konur og það sé „kven­legt“ að nota þær, bara eitt­hvað óþarfa pjatt. Sem er auð­vitað mjög gam­al­dags og úreltur hugs­un­ar­háttur, sem er á und­an­haldi, og það getum við þakkað þeirri vit­und­ar­vakn­ingu sem hefur átt sér stað síð­ustu ár.“

Yngri karlar óhrædd­ari við nýj­ungar
Upp­li­f­irðu kyn­slóða­mun þegar kemur að snyrti­vöru­notkun? „Já, það er munur á kyn­slóðum. Yngri karlar eru mun opn­ari og mót­tæki­legri að prófa nýj­ungar. Þeir spyrja líka meira. Þeir eldri vilja frekar eitt­hvað eitt sem virkar og halda sig þá við það.“

Frá Skyn.

„Upp­á­halds­spurn­ingin mín! Jú, auð­vitað,“ segir Karin og hlær spurð hvort karlar þurfi jafn­mikið á snyrti­vörum að halda og konur. „Af hverju ættu karlar að snið­ganga stærsta líf­færið sitt frekar en konur? Þeir fá sömu húð­vanda­mál og við; exem, rós­roða, þurrk­bletti og fleira. Þeir fá líka húð­þurrk undir skegg­inu eða kláða og rakst­urs­bólur og sætta sig kannski bara við það því þeir vita ekki hvernig á að snúa sér.“

Öllum hollt og gott
Spurð hvað karlar ættu helst að ein­blína á þegar kemur að snyrti­vörum segir hún þá oft­ast spá í hluti eins og rak­sápu, raka­krem eða skeggol­íur. Þeir mættu hins vegar alveg víkka sjón­deild­ar­hring­inn.

Lait Creme.

„Valið ræðst auð­vitað af húð­gerð og í hverju þeir vilja vinna. Svo þarf að huga að hlutum eins og húð­vanda­málum og fæð­ing­ar­blettum og þar koma húð­læknar til sög­unnar. Fyrir utan það ættum við öll, óháð kyni, aldri eða húð­gerð, að nota húð­vörn (spf 30+) dag­lega.“

Karin segir að þótt snyrti­vöru­notkun sé kannski ekki beint innan þæg­ind­ara­mma allra karla geti áhug­inn verið fyrir hendi. „Þannig að við þurfum að vera dug­leg að hjálpa þeim og ætlum einmitt að opna net­verslun fyrir karl­menn, nolaman.is. Þar verða í boði vörur svip­aðar og við bjóðum upp á hjá nola.is en þetta verður ein­fald­ara í sniðum, öðru­vísi fræðsla og aðrar áherslur.“

Nánar á nola.is eða í verslun Nola, Ármúla 38 í Reykja­vík.

Nola í sam­starfi við Stúdíó Birtíng