Tobba valdi morgunmatinn fram yfir DV

Tobba Marínós er hætt er sem rit­stjóri DV. Ástæðan er að hennar sögn sú að hún vill ein­beita sér að eigin rekstri en hún fram­leiðir granóla, sem er nokk­urs konar múslí og er yfir­leitt borðað í morg­un­mat.

Tobba segir í til­kynn­ingu sem birt­ist á Hring­braut, sem er í eigu sömu aðila og DV, að sá rekstur sé orð­inn það stór að hún geti ekki sinnt rit­stjórn­ar­starf­inu. Hún rekur fyr­ir­tækið ásamt móður sinni en þær mæðgur opn­uðu veit­inga­stað á dög­unum.

Það má segja að granólað hafi átt hug hennar meðan Tobba starf­aði sem rit­stjóri. Hún var ráð­inn fyrir um ári síðan en fyrst um sinn var hún ein­ungis í hálfu starfi því hún þurfti að ein­beita sér að granól­anu.

„Nú er svo komið að ég get ekki lengur sinnt því aðeins á kvöldin. Ég mun hella mér alfarið út í rekstur á Nátt­úru­lega Gott og Granóla­barnum sem opnar von­andi í næsta mán­uði,“ segir hún.