Gunnar Gunnarsson varð hryggur eftir hádegisgöngurtúr í miðborg Reykjavíkur í fyrradag. Í túrnum tók hann nokkrar myndir sem sýna hryggðarmyndina sem við blasti: Galtómur Laugavegur.
Gunnar birti myndirnar á Facebook-síðu sinni og stofnaði þar til umræðu:
„Svona er göngugata á 64 gráðu norður. Tekið í hádeginu í dag. Hvernig getur rekstur gengið í þessu ástandi??? Tóm gata borgar ekki leigu né laun. Er þetta boðlegt???,“ spyr Gunnar .
Bolli Kristinsson kaupmaður hefur verið duglegur að gagnrýna Dag B. Eggertsson borgarstjóra og aðgerðarleysi hans gagnvart verslun í miðborginni. Hann tjáir sig undir færslu Gunnars. „Þetta getur ekki àtt að vera svona. Dagur, er það þetta hatur à duglegum kaupmönnum?,“ spyr Bolli.
Lárus tekur í sama streng og gagnrýnir Dag harðlega. „Skömmin er mikil hjá borgarstjóra þetta er ekki boðlegt,“ segir Lárus ákveðinn.
Og Báður nokkur virðist heldur ekki hrifinn af stjórn Dags og telur að hann geti leyst umferðarvandann nærri gosstöðvunum við Geldingardal. „Er ekki málið að fá DBE til að stjórna umferðinni um gossvæðið þarna á suðurnesjum. Honum tekst örugglea að gera það svona,“ segir Bárður.
Athugasemdir