Fullur smitdólgur í fangelsi

Ölvaður, erlendur ferða­maður, lét öllum illum látum á hót­eli í Reykja­vík í nótt. Lög­reglan var kölluð til og kom þá í ljós að mað­ur­inn var að brjóta sótt­kví. Smit­dólg­ur­inn var hand­tek­inn og lok­aður inni í fanga­klefa.

Fjöldi manns er enn að fást við afleið­ingar þess að ein­stak­lingur sem kom til lands­ins frá Póllandi virti ekki sótt­kví eins og Mannlíf greindi frá. Sá reynd­ist vera smit­aður. Smit­dólg­ur­inn bar smit í börn og starfs­fólk leik­skól­ans Jörfa með þeim afleið­ingum að tugir veikt­ust og fjöldi lenti í sótt­kví með til­heyr­andi frels­is­skerð­ingu. Lögregla verst allra fregna af rann­sókn þess máls. Ein­hverjir á meðal for­eldra barna á Jörfa íhuga að fara í einka­mál við ger­and­ann og krefj­ast bóta.

Lög­reglan á höf­uð­borg­ar­svæð­inu kann­aði í gær­kvöld hvernig sótt­vörnum væri háttað hjá veit­inga­stöðum í mið­borg­inn og hvort gestir væri skráðir. Í dag­bók lög­reglu segir að víð­ast hafi ástandið verið mjög gott en þó fengu starfs­menn tveggja veit­inga­staða til­tal og leið­bein­ingar.