Carmen gegn Jóni Baldvini: „Hann fór í klofið á mér“

Carmen Jóhanns­dóttir, bar vitni í gegnum fjar­fund­ar­búnað fyrir Hér­aðs­dómi Reykja­víkur í morgun í máli ákæru­valds­ins gegn Jóni Baldvini Hanni­bals­syni. Carmen kærði Jón Baldvin fyrir kyn­ferð­is­lega áreitni sem á að hafa átt sér stað árið 2018. Ráð­herr­ann fyrr­ver­andi mætti einnig fyrir dóm­inn og bar vitni.

Jón Baldvin er sagður í ákærunni, hafa áreitt Carmen Jóhanns­dóttur kyn­ferð­is­lega í mat­ar­boði á heim­ili Jóns Baldvins og Bryn­dísar Scram, eig­in­konu hans, á Spáni í júní 2018, ásamt móður sinni, systur og annarri konu. Jón Baldvin er sagður hafa strokið rassi hennar utan­klæða upp og niður.

DV segir að fram hafi komið í morgun að borð­haldið hafi verið nýbyrjað og Carmen verið að hella í glös allra við borðið. „Þá byrjar Jón Baldvin að strjúka á mér rass­inn, mjög ákaft,“ sagði hún „þetta hafi verið „einu sinni, upp og niður.“

Sagðist Carmen hafa verið í kjól og henni hafi brugðið mikið. Eftir þetta hafi hún sest niður og spurði þá móðir hennar, Laufey Ósk Arn­órs­dóttir, hvað væri að. Sagðist Carmen hafa verið orð­lausa en að móðir hennar hafi snúið sér að Jóni Balvini og kraf­ist afsök­unar. „Hún horfði svo á Jón Baldvin og sagði: Ég sá hvað þú gerðir. Biddu dóttur mína afsök­unar,“ sagði Carmen fyrir rétt­inum í morgun.

Eftir þetta seg­ist Carmen hafa farið á neðri hæð húss­ins og hringt í fyrr­ver­andi kærasta sinn til að fá ráð, hvað hún skyldi gera næst því hún væri miður sín. Hann ráð­lagði hana að yfir­gefa húsið sem og hún gerði ásamt systur sinni. Segir hún að þær systur hafi ekki verið komnar lengra en 200 metra frá hús­inu þegar þær heyrðu óp og læti koma frá hús­inu. Var þá Bryndís að reyna að sann­færa móð­ur­ina um að fara ekki í flýti heldur vera áfram og ræða málin. „Jón Baldvin stendur þarna, kallar og æpir og segir að ef við förum við með þetta í fjöl­miðla þá lög­sæki hann okkur, mig og móður mína,“ sagði Carmen.

Aðspurð um líðan sína á þessu augna­bliki sagð­ist Carmen hafa fund­ist sem verið væri að nota vald sitt gegn henni.

Samkvæmt Carmeni var þetta mikið sjokk fyrir hana, hún hafi varla trúið því sem gerst hafði. Bryndís hafi svo sent þeim tölvu­póst um nótt­ina þar sem hún baðst afsök­unar en seinna hafi svo borist annar póstur frá Bryndísi þar sem hún sagð­ist vilja slíta öllum sam­skiptum við þær. „Mér leið ömur­lega í marga mán­uði,“ sagði Carmen. „Það sem olli mér mestri van­líðan er að geta ekk­ert gert, vita ekki hvað ég ætti að gera eða hvern ég ætti að tala við.“ Þegar ákæru­valdið bað hana um að lýsa því sem Jón Baldvin gerði henni sagði hún að strokan hafi staðið stutt yfir en að hann hafi ekki verið að flýta sér. „Hann fór í klofið á mér.“

Jón Baldvin harð­neit­aði fyrir rétti í dag að hafa áreitt Carmen kyn­ferð­is­lega. „Gerðist eitt­hvað sak­næmt á þess­ari mín­útu? Svarið við því er nei. Það er stutt öfl­ugum vitnum,“ sagði hann. „Ég sver þess dýran eið að það sem sagt er að gerð­ist, það gerð­ist ekki.“
Vildi Jón Baldvin meina að ástæð­urnar fyrir því að Laufey, móðir Carmenar, hafi heimtað afsök­un­ar­beiðn­ina, væri annað hvort sú að Laufey hefði drukkið áfengi ofan í lyf sem hún mátti ekki gera og að „hún hafi umhverfst“ vegna þessa. Hin ástæðan sagði Jón Baldvin geta verið þá að þær mæðgur hafi ekki komið í mat­ar­boð af góðum vilja, heldur hafi verið um að ræða til­raun til að setja ákveðna atburða­rás á svið. Talaði hann um að árásir hafi komið fram gegn sér í tengslum við #meetoo bylt­ing­una en að margar frá­sagn­irnar verið gamlar og að þær sem voru í for­svari fyrir bylt­ing­unni hafi þurft nýrri sögur.