Ekkert skólastarf á Eskifirði í dag – Starfsmaður greindist með smit

Allt skóla­hald hefur verið fellt niður í Eski­fjarð­ar­skóla í dag eftir að starfs­maður skól­ans greind­ist með Covid smit.

Samkvæmt Aust­ur­frétt eru nem­endur sem og starfs­menn skól­ans hvattir til að taka PCR próf í dag. Opið er á heilsu­gæsl­unni á Reyð­ar­firði milli 12 og 13.

Er fólk beðið um að halda sig heima fyrir þar til nið­ur­staða liggur fyrir sem ætti að vera seinna í kvöld.

Nýgengi smita á Íslandi er nú 472,9 og stað­fest smit á land­inu öllu eru 18.642 tals­ins. Á Aust­ur­landi eru nú 20 í ein­angrun og 47 í sótt­kví. Sú tala hækkar sjálf­sagt í ljósi smits­ins á Eski­firði.