Fyrir stundu birti Félag kvenna í atvinnurekstri stuðningsyfirlýsingu við þolendur kynferðisofbeldis, á heimasíðu sinni. Deilur hafa verið innan félagsins í dag eftir að bent var á það í lokuðum hópi þeirra á Facebook að formaður félagsins, Sigríður Hrund Pétursdóttir hefði líkað við yfirlýsingu Loga Bergmanns þar sem hann sagðist alsaklaus af þeim ásökunum sem Vítalía Lazareva bar á hendur hans nýverið.
Sjá einnig: Deilt innan Félags kvenna í atvinnurekstri: Svanhildur í vörn fyrir Loga: „Varstu í herberginu?“
Hér er stuðningsyfirlýsing FKA í heild sinni:
STUÐNINGSYFIRLÝSING VIÐ ÞOLENDUR KYNFERÐISOFBELDIS
Stjórn FKA vill koma á framfæri stuðningi sínum við þolendur, þá hugrökku einstaklinga sem stíga fram og þökkum til þeirra sem breyta samfélaginu til batnaðar.
Við erum ólíkar konur úr öllum áttum í Félagi kvenna í atvinnulífinu og hefur FKA verið leiðandi hreyfiafl í rúma tvo áratugi.
Það er raunveruleiki þarna úti sem sameinar konur og öllum ljóst að forgjöf samfélagshópa er ólík. Formaður félagsins, Sigríður Hrund Pétursdóttir, harmar að hafa verið með endurgjöf á færslu á samfélagsmiðlum sem hún síðan dró til baka. Í krafti stöðu sinnar sem formaður FKA er og var þetta mjög merkingarbært og óviðeigandi að öllu samanlögðu.
Það er skýrt í huga stjórnar FKA að mikilvægar, djarfar, þörf og á löngum köflum sársaukafullar breytingar eru að eiga sér stað í samfélaginu. Vill stjórn FKA senda frá sér stuðningsyfirlýsingu að gefnu tilefni við þolendur kynferðisofbeldis og þakkir til þeirra sem ryðja brautir.
Hugur okkar er hjá fólki sem finnur til og á um sárt að binda.
Virðingafyllst!
Stjórn og framkvæmdastjóri FKA
Athugasemdir