Anna sálfræðingur um andlega líðan barna vegna sýnatöku: „Við sjálf erum miklu stressaðari“

„Við sjálf erum miklu stress­að­ari fyrir þessu heldur en að þvo hárið eða tann­bursta börnin,“ sagði Anna María Valdi­mars­dóttir, sál­fræð­ingur á Sál­stof­unni í við­tali við Mannlíf í morgun.
Þá hefur borið á því að for­eldrar hafi áhyggjur af mögu­legum lang­tíma­á­hrifum sem sýna­tökur geti haft á börn þeirra.  Þá séu dæmi um að for­eldrar hafi þurft að fara með börn sín viku­lega í PCR sýna­töku í 4-6 vikur.

Sagði Anna að for­eldrar þyrftu ekki að hafa áhyggjur af kvíða hjá börnum sínum vegna sýna­tök­unnar.

„Í raun­inni ætti þetta ekki að valda kvíða til lengri tíma. Þetta er óþægi­legt en ekki hættu­legt. Þau eru að fá oftar og oftar stað­fest­ingu þess að þetta er ekki jafn hættu­legt og þau kanski halda í byrjun“.

Þá segir hún að kvíði barn­anna sé frekar yfir því sem er óþekkt en mik­il­vægt sé að ræða við börnin og útskýra fyrir þeim ferlið. Börnin ótt­ist oft eitt­hvað allt annað en það sem for­eldrar halda og þá er mik­il­vægt að ræða það. Einnig er gott að bjóða upp á ein­hvers konar umbun, bjóða þeim að hafa tón­list á meðan og hvetja þau áfram.

Hvað yngri börnin varðar segir Anna enga ástæðu til þess að ætla að sýna­tök­urnar valdi þeim kvíða. Það gæti hins­vegar setið í þeim að þetta sé óþægi­legt.

„Þarf að forð­ast að vera ekki stans­laust að hug­hreysta eða stans­laust að tala um þetta,“ segir hún og bætir við að slíkt gæti haft öfug áhrif.

Á Facebook síðu Sál­stof­unnar má finna ráð til for­eldra vegna bólu­setn­inga barna. Anna segir að þar eigi margt það sama við og þegar kemur að sýna­tök­unum.