Hinseginvika haldin í Árborg í fyrsta sinn: Í boði að senda nafnlausar spurningar til fyrirlesara

Haldin verður fyrsta Hinseg­in­vikan frá upp­hafi í Árborg, frá 17.-23. jan­úar næst­kom­andi. For­varn­arteymi Árborgar mun halda utan um verk­efnið í sam­starfi við sveit­ar­fé­lagið.

Samkvæmt Sunn­lenska.is er hátíðin haldin til að auka fræðslu, skapa umræður og veita stuðn­ing til þeirra sem tengja við hinsegin mál­efni á einn eða annað hátt. Svo dæmi séu tekin verða lesnar bækur tengdar hinsegin mál­efnum, á leik­skólum sveit­ar­fé­lags­ins og regn­boga­fánum flaggað víða um bæinn en aukreitis mun GK bak­arí baka í regn­boga­litum. Þá eru fyr­ir­tæki og stofn­anir í sveit­ar­fé­lag­inu hvattar til að taka þátt á einn eða annan hátt og eru íbúar Árborgar einnig hvattir til að sýna sam­stöðu með því að klæð­ast regn­boga­litum þann 19. jan­úar.

Samtökin ’78 verður með fræðslu á TEAMS þann 17. jan­úar klukkan 20:30, fyrir íbúa Árborgar. Þar verður farið yfir grunn­inn að hinseg­in­leik­anum, fjallað um kyn­hneigð, kyn­vit­und, kynein­kenni og kyntján­ingu og fleira. Í boði verður að senda nafn­lausar spurn­ingar sem fyr­ir­les­ar­inn mun svara í lok fyr­ir­lest­urs­ins.