Hver er Pétur „Jesú“? – Tónlistarmaðurinn sem er sagður hafa átt í sambandi við 16 ára stelpu

Pétur Örn Guð­munds­son er fimm­tugur tón­list­ar­maður en hann er þekktur fyrir störf sín í hljóm­sveit­unum Buff og Dúnd­ur­fréttum, einnig hefur hann tekið nokkrum sinnum þátt í Söngvakeppni Sjón­varps­ins sem baksöngv­ari og með lagið Elísabet sem vitnar í sam­band hans við Elísa­betu Ormslev sem hún opin­ber­aði á dög­unum.

Pétri hefur verið vísað úr báðum hljóm­sveit­unum síðan Elísabet sagði frá sam­bandi sínu við hann sem hófst þegar hún var aðeins 16 ára gömul en hann þá 38 ára. Í ítar­legu við­tali við Frétta­blaðið sagði Elísabet sögu sína með söngv­ar­anum sem ein­kenn­ist af ofbeldi og umsátri, það tók Elísa­betu ára­tug að losna úr sam­band­inu fyrir fullt og allt en að hennar sögn er Pétur enn að sitja um hana.

Pétur hefur gefið út nokkur lög sjálfur og sagði í nýlegu við­tali við N4 að hann stefndi á að gefa út sóló­plötu. Hann lék Jesú í leik­rit­inu Jesus Christ Superstar árið 1995 og hefur síðan þá oft verið kall­aður Pétur Jesú, faðir hans, Guð­mundur, lék einnig í fyrstu svið­setn­ingu leik­rits­ins árið 1973.