Landið verður gult og appelsínugult að lit í dag er veðurviðvaranir taka gildi enn eina ferðina. Viðvaranirnar verða á öllu landinu í dag en samkvæmt vef veðurstofunnar er spáð talsverðri rigningu, slyddu og hvassviðri.
Á höfuðborgarsvæðinu tekur appelsínugul viðvörun gildi klukkan níu í dag en búast má við vindhviðum sem ná allt að 35 metrum á sekúndu. Aukið afrennsli verður í borginnni og vatnavextir sem geta vadið tjóni.
Þá tekur appelsínugul viðvörun einnig gildi klukkan níu við Breiðafjörð og veðuraðstæður sömu og á höfuðborgarsvæðinu. Fólk er hvatt til þess að hreinsa frá niðurföllum til þess að koma í veg fyrir vatnstjón. Á Vestfjörðum, Ströndum, Norðurlandi vestra verður veðurviðvörun einnig appelsínugul og hviður allt að 40 metrar á sekúndu. Á miðhálendi eru aðstæður eru taldar hættulegar og ekkert ferðaveður.
Athugasemdir