Kristján Loftsson bjartsýnn sölu hvalkjöts „Værum ekkert að þessu nema að geta losnað við þetta“

„Ef ég hef ekki þetta leyfi til hval­vinnslu frá þá get ég ekki farið til veiða. Það er bara svo ein­falt,“ sagði Kristján Loftsson, fram­kvæmda­stjóri Hvals hf um ummæli Mat­væla­stof­unnar en hún taldi  að deilur milli þeirra við Hval hf hafi ekki verið aðal­á­stæða þess að ekki hafi verið haldið til hval­veiða síðan árið 2018. Deil­urnar sem um ræðir hafa staðið yfir í nokkur ár en sagði Kristján að hann hafi staðið í tölvu­póst­sam­skiptum við MAST þar sem hann hafi þurft að svara ótal spurn­ingum.

Freydís Dana Sig­urð­ar­dóttir, starfs­maður Mat­væla­stofn­unnar sagði í við­tali við Mannlíf í vik­unni að Kristján hafi fengið full­gilt starfs­leyfi í haust.
„Við lítum svo á að ástæðan fyrir því að hann hafi ekki getað veitt hafi ekki verið vegna deilna við okkur, við getum ekki sagt það. Hins vegar er hann kom­inn núna með full­gilt starfs­leyfi síðan í haust.“

Kristján sagði leyfið vera lyk­il­at­riði þegar kemur að veið­unum.

„Eins og ég hef skilið þetta kerfi, sem MAST hefur sett upp, þá er for­semda vinnslu mat­væla að hafa starfs­leyfi frá MAST. Ef svo er ekki, eins og lesa má úr svari Frey­dísar Dönu Sig­urð­ar­dóttur, starfs­manns MAST, þá eru það mjög góð og gleði­leg tíð­indi að fyr­ir­tæki þurfi ekki starfs­leyfi frá MAST.“ Aðspurður hvort það væri mark­aður fyrir hval­kjötið sagði hann svo vera.

„Við værum ekk­ert að þessu nema að við gætum losnað við þetta og fengið fyrir þetta sæmi­legt verð en þetta fer allt eftir geng­inu,“ en kjötið fer að mestu leyti til Japans

„Kvótinn er 161 hvalur plús  20 pró­sent í við­bót frá fyrra ári. Eins og þetta hefur verið und­an­farin ár hefur þetta verið kannski 150 – 160 hvalir en svo fer þetta eftir veðri.“

Bætti Kristján því við að MAST hafi dýra­lækni til þess að fylgj­ast með því þegar gert er að hvöl­unum en hafi þrátt fyrir það aldrei verið haft sam­band við hann.

„Það er dýra­læknir sem kemur þarna til okkar þegar hver ein­asti hvalur kemur inn og þegar verið er að skera hann. Það er maður sem að þeir til­efna á okkar kostnað sem að keyrir til okkar og hann er búinn að vera þarna frá 2009 og þekkir þessa vinnslu alveg út og inn hjá okkur,“ sagði hann og bætti við að hann hafi hringt í dýra­lækn­inn áður en  hann sendi inn stjórn­sýslu­kæruna til þess að athuga hvort MAST hefði rætt við hann vegna þessa máls.

„Þeir höfðu aldrei hringt í hann eitt ein­asta sím­tal,“ sagði Kristján að lokum.