Lögð meðvitundalaus inn á spítala eftir að hafa borðað skemmt sushi

„Í síð­ustu viku var ég lögð með­vit­und­ar­laus inn á spít­ala með 41 stiga hita og nið­ur­gang (með blóði). Eftir að við náðum hit­anum niður var ég send í rann­sóknir, og nú hefur verið stað­fest að ég fékk mjög slæma mat­ar­eitrun,’’ skrif­aði Guðlaug Edda Hann­es­dóttir, fremsta þrí­þraut­ar­kona lands­ins, á Instagram-síðu sína. Var hún flutt með­vit­unda­laus á sjúkra­hús í Barcelona eftir mat­ar­eitr­un­ina en hafði hún verið við æfingar á Spáni með kærasta sínum, Antoni Sveini McKee, sem veikt­ist einnig.

Guðlaug segir mat­ar­eitr­un­ina hafa valdið bólgum í þörmum og dvaldi hún á spít­al­anum í þrjá daga. Þá sagð­ist hún hafa neyð­ist til þess að draga sig úr keppni á Evr­ópu­meist­ara­mót­inu í Munich. ,,Eins og þið getið ímyndað ykkur er þetta mikið áfall fyrir mig. Mér þykir svo leitt að ég get ekki verið í keppn­inni og keppt stolt fyrir Íslands hönd. Það er ekki oft sem þrí­þraut er sýnd í beinni í sjón­varp­inu á Íslandi og þetta var sú keppni sem ég hlakk­aði til mest í ár. Ég bið ykkur að sýna mér skiln­ing og von­ast til að koma til baka sem allra fyrst.“ Anton Sveinn sagði í sam­tali við Vísi að margt benti til þess að sushi mál­tíð hafi gert þau veik. Sagðist hann hafa átt eðli­lega æfingu í dag og mun hann keppa á EM síðar í vik­unni.