Illugi rifjar upp mjaltarkennslu í Stóru-Ávík: „Unnur var frábær og næmur kennari“

Illugi Jök­uls­son rifjar upp gamla og úrelta verk­kunn­áttu sína í nýlegri Facebook-færslu.

Hinn vel metni rit­höf­undur og fjöl­miðla­maður, Illugi Jök­uls­son, seg­ist ótt­ast að sú kunn­átta hans, að mjólka kýr, deyji út með honum. Í ljúfsárri færslu á Facebook skrifar Illugi um það Unnur Aðal­heiður Jóns­dóttir frá Stóru-Ávík við Tré­kyllis­vík á Ströndum, kenndi honum ungum að mjólka kýr. En nú sé sú verk­kunn­átta úrelt og seg­ist Illugi leið­ast það „furðu mikið“ að fá ekki tæki­færi til að kenna börnum sínum og barna­börnum hand­tökin við mjalt­irnar.

Færsluna má lesa hér að neðan.

„Ég kann að mjólka kýr.

Hún Unnur í Stóru-Ávík kenndi mér það þegar ég var 12 ára og þó ég segi nú loks­ins sjálfur frá, þá tókst mér ágæt­lega upp. Unnur var frá­bær og næmur kenn­ari, og mér var ein­hvern veg­inn í lófa lagið að beita hár­réttum, hár­fínum þrýst­ingi svo mjalt­irnar gengu bæði fljótt og vel og kýrnar voru sáttar. Mér hlýn­aði ekki oft meir um hjarta­rætur þau árin en þegar Unnur sagði einu sinni við mig á sinn hæg­láta hátt þegar við vorum tvö að mjólka eitt­hvert sum­ar­kvöldið: „Ég held svei mér þá að bless­aðar skepn­urnar kjósi heldur að þú mjólkir þær en ég.“Fyrir sunnan hafði ég ekki orð á þessum hæfi­leika mínum. Heima á Drafn­ar­stíg hafði mamma löngu kennt okkur að maður ætti ekki að monta sig, og mér sagði svo hugur að hinir nýju vinir mínir í Haga­skól­anum mundu ekki endi­lega hafa sér­lega mik­inn áhuga á frama mínum við mjaltir.En ég kem þessu sem sagt loks­ins á fram­færi hér. Um leið við­ur­kenni ég að mér leið­ist furðu mikið að fá ekki tæki­færi til að koma þess­ari úreltu kunn­áttu, hand­mjölt­unum, áfram til barna og barna­barna. Mér finnst eins og með mér muni mik­il­væg verk­kunn­átta, að ég segi ekki nán­ast list­grein Unnar í Stóru-Ávík, deyja út“

Ljós­mynd­ina við frétt­ina tók Simaron.