Sögulegar sættir konungsfjölskyldunnar mögulegar – Karl vill hitta barnabörnin

Karl III Eng­lands­kon­ungur hyggst bjóða Harrý og Meghan í 75 ára afmæli sitt í nóv­em­ber. Að sögn sér­fræð­ings í kon­ungs­fjöl­skyld­unni er ástæðan sú að hann vill loks­ins fá að sjá barna­börn sín. 

Karl kon­ungur vill fá að knúsa loks­ins barna­börn sín, Boga og Lilju Betu, í fyrsta skiptið, þegar hann á afmæli í nóbem­ber, sam­kvæmt sér­fræð­ingi í kon­ungs­fjöl­skyld­unni bresku.

„Karl væri til í að hafa börn Harrý og Meghan í veisl­unni,“ sagði ævi­sagn­ar­rit­ari kon­ungs­fjöl­skyld­unnar, Angela Levin, við Sun. „Ef að Harrý og Meghan vilja koma með afsökun [inn­skot blaða­manns: fyrir að kom­ast ekki] er það þeirra ákvörðun.“

And­rúms­loftið hefur verið ansi þungt á milli Harrý og frú og kon­ungs­fjöl­skyld­una eftir að prins­inn rauð­hærði gaf út ævi­sögu sína, Spare en þar kastaði hann ýmsum sprengjum á Buckingham-höll ef svo má að orði kom­ast. Af þeim sökum eiga börnin hans tvö enn eftir að hitta afa sinn.

Levin heldur því þó fram að parið, sem býr í Montecito, í Kali­forníu, muni einnig vilja mæta til Bret­lands í afmæl­is­veislu og bætti við að hún sjái ekki ástæðu fyrir því að Markle ætti ekki að fá boð í veisl­una líka.

Fram kemur í frétt The New York Post er það þó enn óvíst hvort af end­ur­fund­unum verður, sér­stak­lega í ljósi þess að Markle mætti ekki í krýn­ingu Karls í maí. Harrý mætti en heim­sókn hans var eins stutt og hugs­ast gat en þetta var í fyrsta sinn sem hann hitti föður sinn eftir að hann gaf út ævi­sög­una eld­fimu í jan­úar á þessu ári.

Í krýn­ing­unni var her­tog­inn snupraður við sæta­skipan en hann var færður í þriðju röð, á milli Evgeníu prinsessu og eig­in­manns hennar, Jack Brooksbank, og Alexöndru prinsessu. Þá var parið einnig snuprað um boð í sér­stakan hitt­ing kon­ungs­fjöl­skyld­unnar til að minn­ast þess að eitt ár var liðin frá and­láti Elísa­betar Eng­lands­drottn­ingar, sem verður hald­inn þann 8. sept­em­ber í Balmoral kast­al­anum, þrátt fyrir að þau verði í Evrópu um svipað leiti.

Hið útskúf­aða par munu lenda í Düs­seldorf, þýska­landi, aðeins 24 klukku­stundum eftir að kon­ungs­fjöl­skyldan hitt­ist í Balmoral en sam­kvæmt heim­ildum hefur „eng­inn sett sig í sam­band við þau [inn­skot blaða­manns: vegna hitt­ings­ins]“.