Sögufrægu skipi frá Siglufirði lagt: „Þetta er skip með sál“

Sögu­frægt skip tekið úr umferð.

Hinu sögu­fræga skip Múlaberg frá Siglu­firði hefur verið lagt eftir að leka í síð­ustu veiði­ferð og við­gerð talin vera of dýr til að borga sig en skipið er fimm­tíu ára gam­alt.

„Þetta er skip með sál. Þetta er löng saga,“ sagði Finnur Sig­ur­björns­son, skip­stjóri á Múla­berg­inu á Siglu­firði, í sam­tali við Fiski­fréttir. Áhöfn skips­ins hafi verið sagt upp en allt 15 manns starfa á skip­inu. Ísfé­lagið til­kynnti áhöfn­inni um upp­sögn­ina en eftir á að senda upp­sagn­ar­bréf. „Kannski stendur í bréf­inu að það verði reynt að koma mönnum fyrir á öðrum skipum félags­ins. Ég bara vona það,“ sagði skip­stjór­inn. 

„Ætli karl­arnir fari ekki bara að líta í kring um sig eftir öðrum stöðum. Það fer eftir hvað stendur í bréf­inu,“ sagði Finnur og það gæti verið að mönnum bjóð­ist pláss á nýju skipi sem er verið að smíða í Tyrk­landi „Það hlýtur að þurfa að manna það skip.“

Í frétt Fiski­frétta er greint frá því að Múlaberg sé einn tíu svo­kall­aðra Jap­an­s­tog­ara sem komu til Íslands fyrir um 50 árum. Þegar Múla­bergi verður lagt þá sé Ljósa­fell eini tog­ar­inn eftir af hinum tíu upp­runa­legu.