Kynna nýtt kerfi fyrir Grindvíkinga án leiðbeininga

Björg­un­ar­sveitin Þorbjörn til­kynnti það á Facebook-síðu sinni í gær­kvöldi að nýtt kerfi skildi tekið upp fyrir Grind­vík­inga sem þurfa að kom­ast inn á heim­ili sín. Þrátt fyrir til­kynn­ing­una kemur þó hvergi fram hvernig nýja kerfið gangi fyrir sig og því óljóst hvernig fram­haldið lítur út en í færsl­unni segir:

„Kæru Grind­vík­ingar,

Þetta eru gríð­ar­lega erf­iðar aðstæður sem við stöndum frammi fyrir þessa dag­ana. Við vildum óska þess að við hefðum eitt­hvað um skipu­lagið að segja en það er ekki staðan. Við erum sann­færð um að allir séu að gera sitt besta með öryggi bæj­ar­búa að leið­ar­ljósi.

Því miður er stærsti hluti bæj­ar­ins á hættu­svæði sem gjarnan er nefnt rauða svæðið. Þetta svæði þykir mjög hættu­legt því það eru líkur á að eld­gos geti brot­ist út með litlum fyr­ir­vara. Þess vegna geta aðeins fáir verið á svæð­inu í einu svo hægt sé að tæma það með stuttum fyr­ir­vara. Þetta hefur orðið til þess að það tekur mjög langan tíma að koma öllum heim til sín.

Síðustu daga hefur gengið vel að koma fólki inn á svæðið og heldur sú vinna áfram næstu daga.

Það hryggir okkur mjög að enn sé fólk sem ekki hefur kom­ist til síns heima síðan á föstu­dag og höfum við leitað allra mögu­legra leiða til þess að leysa úr því. Á morgun munu Almanna­varnir setja af stað nýtt kerfi til þess að halda utan um þessar beiðnir svo hægt sé að ná betur til þessa hóps.

Eins og áður segir er þetta skipu­lag ekki í okkar höndum en við leggjum mikla áherslu á að þetta verk­efni klárist sem fyrst.

Okkar fólk hefur verið við störf í Grinda­vík myrkr­anna á milli frá því bær­inn okkar var rýmdur fyrir viku síðan. Verk­efnin hafa verið gríð­ar­lega mörg en aðal­mark­mið okkar hefur verið að halda götum bæj­ar­ins opnum ásamt því að sinna hinum ýmsu verk­efnum sem okkur hafa verið sett fyrir. Þannig hefur björg­un­ar­sveitin Þorbjörn aðstoðað HS Veitur við að koma á raf­magni og vinna í heita­vatns­lögnum, aðstoðað bæj­ar­búa við að sækja lyf ásamt því að slá inn raf­magns­lausum húsum. Við höfum einnig bjargað fjöl­mörgum köttum og komið þeim til sinna eig­enda. Þá höfum við einnig starfað við vega­gerð með því að kort­leggja allar sprungur og merkja þær. Við brú­uðum líka nokkrar sprungur en fengum svo Vega­gerð­ina með okkur í lið að fylla í sprungur svo hægt sé að aka yfir þær. Með þessu náum við að flýta ferðum bæj­ar­búa um bæinn ásamt því að auka öryggi þeirra sem þar starfa með því að stytta flótta­leiðir.

Grinda­vík stendur enn og við ætlum heim aftur! Þó svo að mikið tjón sé í bænum er ljóst að mik­ill meiri­hluti húsa er alveg óskemmdur. Þá er raf­magn á lang­flestum húsum ásamt hita­veitu þrátt fyrir mikið land­sig. Við munum gera allt sem í okkar valdi stendur til þess að koma bænum okkar í fyrra horf!

Grind­vík­ingar Gefast Ekki Upp 💛💙

Bar­áttu­kveðjur

Björg­un­ar­sveitin Þorbjörn“