Egill Helgason er hrifnastur af kvikmyndunum Poor Things og Zone of Interest af þeim sem komu við sögu á Óskarsverðlaununum í nótt.
Fjölmiðlamaðurinn Egill Helgason fer yfir mat sitt á þeim kvikmyndum sem tilnefndar voru í flokki bestu kvikmynda síðasta árs á Óskarshátíðinni í nótt, á Facebook. Er hann á því að Poor Things og Zone of Interest séu „flottustu myndirnar sem komu við sögu á Óskarshátíðinni.“
Þá segir Egill að Paul Giamatti hefði átt að vinna Óskarinn fyrir aðalleik en svo fannst honum Barbie „alveg hrútleiðinleg.“
Hér má lesa færslu Egils:
„Eftir á að hyggja finnst mér Poor Things og Zone of Interest vera flottustu myndirnar sem komu við sögu á Óskarshátíðinni. Þær eru allavega eftirminnilegastar. Oppenheimer er mjög fagmannlega gerð og áferðarfalleg en ég er hálfpartinn farinn að gleyma henni. Líklega rétt sem sagt er að hefði mátt eyða meiri tíma í kjarnorkusprengjuna og minni tíma í bandaríska innanríkispólitík. The Holdovers er falleg lítil mynd og að mínu mati hefði Paul Giamatti átt að vinna leikaraóskarinn.Barbie fannst mér alveg hrútleiðinleg – ótrúlega fyrirsjáanleg efnistök. Ég náði ekki að tengja við Anatomy of a Fall, hún fjallar um einstaklega óáhugavert fólk – en ég fílaði Palestínumerkið í barmi eins leikara myndarinnar á Óskarshátíðinni.“
Athugasemdir