Í nýjum hlaðvarpsþætti af Sósa Fylgir Með var veitingastaðurinn Blackbox tekinn fyrir en staðurinn sérhæfir sig í pítsagerð.
„Staðurinn var að selja á því að það væri hægt að velja álegg sjálfur eins og er hægt á öllum pítsastöðum nema þú gast horft á starfsfólkið setja áleggið á pítsuna eins og á Subway. Afsakið en mér finnst það glatað dæmi frá öllum sjónarhornum sem eitthvað söludæmi. Það breytir nákvæmlega engu,“ sagði Brynjar stjórnandi þáttarins um Blackbox en bætti svo við.
„Hins vegar er pítsaofn þarna, sem staðurinn notar, sem mér finnst mjög áhugaverður og ég var að sjá hann núna í fyrsta skipti fyrir stuttu. Hvernig ofninn vinnur og bakar pítsurnar finnst mér frekar skemmtilegt og samkvæmt því sem ég las tekur það ofninn tvær mínútur að eldbaka pítsurnar. Að sjá ofninn að störfum var furðulega áhugavert, ég get ekki lýst því öðruvísi.“
Sósa Fylgir Með hefur verið starfandi í rúm þrjú ár og fjallað um marga af helstu matsölu- og veitingastöðum landsins en í hverjum þætti er fjallað um einn veitingastað. Meðal þeirra staða sem fjallað hefur um má nefna Nings, Matarkjallarann, Aktu Taktu, Steikhúsið og Dominos.
Hægt er að hlusta á allan þáttinn hér fyrir neðan og Apple Podcasts.
Athugasemdir