Svört vika Önnu: „Ætla ekki að kaupa neitt og spara þannig stórfé“

Anna Krist­jáns­dóttir ætlar ekki að kaupa neitt þessa vik­una og spara þannig stórfé.

Hafin er svokölluð svört vika um heim allan en þá er boðið upp á afslætti í flestum versl­unum. Þegar þetta byrj­aði var reyndar aðeins um að ræða svartan föstu­dag en er nú búinn að teygja sig yfir heila viku. Anna Krist­jáns­dóttir segir frá sinni reynslu af svartri viku í nýjust dag­bók­ar­færslu sinni sem hún skrifar frá Tenerife. Segir hún að versl­un­ar­eig­endur hækki vöru­verð áður en þeir síðan lækka það aftur í svartri viku.

„Dagur 1931 – Svört vika.

Það er brostin á svört vika, ekki bara á Íslandi, heldur um allan heim. Upp­haf­lega átti þetta bara að vera svartur föstu­dagur, en er löngu orðið að heilli viku og gott betur því í kjöl­farið kemur staf­rænn mánu­dagur sem spannar einnig ein­hverja daga.“

Anna heldur áfram:

„Þótt ég gæti þess að kaupa sem minnst þessa vik­una, enda víða nýbúið að hækka margar vörur í verði svo hægt sé að gefa afslátt af þeim, þá gerð­ist það fyrir fáeinum árum að ég taldi mig þurfa nýja far­tölvu. Ég skrapp út í Worten á mánu­degi svartrar viku og keypti eina og fékk tals­verðan afslátt af nýhækk­uðu verði tölv­unnar. Ég man ekki lengur hvað tölvan hét, en þetta voru verstu tölvu­kaup ævinnar. Fyrst bil­aði eitt USB portið og þá voru ein­ungis tvö USB port í lagi. Svo bil­aði Haraldur blá­tönn og þá varð ég að fá mér uta­n­áliggj­andi blá­tönn og þarmeð ein­ungis eitt port eftir fyrir mús­ina. Einn morg­un­inn þegar ég ætl­aði að opna tölv­una reynd­ist skjár­inn fastur og brotn­aði af er ég reyndi að opna hana. Þá gafst ég upp þótt tölvan væri innan við tveggja ára gömul, hringdi í son minn og bað hann að útvega nýja far­tölvu og senda mér með hraði og hún varð að vera annað hvort Lenovo eða Dell. Lenovo varð fyrir val­inu og hún hefur gengið hindr­un­ar­laust í rúm tvö ár.

Þessa svörtu viku ætla ég ekki að kaupa neitt og spara þannig stórfé.“

Síðar í dag­bók­ar­færslu sinni segir Anna frá því hvernig hún hafi mögu­lega komið í veg fyrir þrumu­veður á Tenerife:

„Það var spáð þrumu­veðri og rign­ingu á Tenerife í gær. Ég tók því með mér regn­hlíf til að skýla mér á leið­inni úr bíla­kjall­ar­anum og á Klaust­ur­bar þangað sem för­inni var heitið til að gæða mér á pönnu­kökum í boði Sævars ábóta. Regn­hlífin var ekki notuð þann dag­inn og ekk­ert kom þrumu­veðrið, en nú er spurn­ingin. Var sú ráð­stöfun að taka með regn­hlíf­ina til þess að þrumu­veðrið hætti við að koma, eða lugu veð­ur­fræð­ing­arnir?“