Guðrún ráðin bæjarstjóri Voga: „Hlakka til áframhaldandi samstarfs“

Guðrún P. Ólafs­dóttur verður bæj­ar­stjóri sveit­ar­fé­lags­ins Voga. Ráðning hennar var tekin fyrir á fundi bæj­ar­ráðs sveit­ar­fé­lags­ins í gær og tekur form­lega gildi eftir bæj­ar­stjórn­ar­fund í næstu viku.  Guðrún hefur verið starf­andi bæj­ar­stjóri að und­an­förnu eftir að fyrrum bæj­ar­stjóri lét af störfum. Hún hefur starfað hjá sveit­ar­fé­lag­inu síðan sum­arið 2023 þegar hún var ráðin sem sviðs­stjóri fjár­mála og stjórn­sýslu sveit­ar­fé­lags­ins.

Guðrún P. Ólafs­dóttir

Mynd: Aðsend

Guðrún starf­aði áður við fjár­mála- og rekstr­ar­stjórnun og í fjár­fest­inga­banka­starf­semi.  Hún lauk M.sc gráðu í stjórnun og stefnu­mótun frá Háskóla Íslands árið 2012 og Cand.Oecon gráðu í við­skipta­fræði með áherslu á fjár­mál árið 2002 frá sama skóla.

„Ég þakka bæj­ar­stjórn Sveit­ar­fé­lags­ins Voga það traust sem mér er sýnt með ráðn­ing­unni. Síð­ast­liðið ár hef ég fengið að kynn­ast sam­fé­lag­inu í Vogum sem er kyrr­látt og sam­heldið.  Framundan eru spenn­andi verk­efni, meðal ann­ars við inn­viða­upp­bygg­ingu sam­hliða fólks­fjölgun til að tryggja íbúum áfram góða þjón­ustu. Ég hlakka til áfram­hald­andi sam­starfs með bæj­ar­full­trúum, sam­starfs­fólki og íbúum í Sveit­ar­fé­lag­inu Vogum.“

Birgir Örn Ólafsson, for­seti bæj­ar­stjórnar, lýsir ánægju með ráðn­ingu Guðrúnar og bindur vonir við far­sæla sam­vinnu hér eftir sem hingað til.