Illugi missti dreng í sjóinn í blíðskaparveðri: „Það var slæm tilfinning“

Sjóarinn lagði land undir fót og hitti skip­stjór­ann, útgerð­ar­mann­inn og raf­virkj­ann Illuga Jens Jónasson á heim­ili hans í Ólafsvík.

Í við­tal­inu segir Illugi frá því er hann missti dreng í sjó­inn við veiðar. „Það var slæm til­finn­ing,“ sagði skip­stjór­inn og hélt áfram: „Sem betur fer var alveg speg­il­sléttur sjór, rjóma­blíða. Við vorum búnir að láta fyrra trogið fara og vorum með í sleppi­krók. Og svo teygði hann sig svo langt út fyrir, hann náði ekki almenni­lega í. Svo sá ég hann bara detta niður. Þannig að það var bara flautað á dreng­ina sem voru niðri á milli­dekki og bakkað og hent til hans hring. Svo synti hann og komst upp stig­ann.“

Aðspurður hvort dreng­ur­inn hafi verið í flot­galla svar­aði Illugi bros­andi: „Nei, nei. Hann var bara í buxum, ekki einu sinni í stakk, það var svo gott veðrið.“

Reynir spurði Illuga hversu kaldur sjór­inn hafi verið.

Illugi: „Þetta var í maí, það voru svona átta, níu gráður. En það stökk eng­inn í galla og út í sjó á eftir honum, hann var í svo góðu formi dreng­ur­inn, á fullu í fót­bolt­anum þannig að það var ekki það.“

Þáttinn má sjá í heild sinni hér á efn­isveitu Mannlífs.