Þrjár bækur hlutu Barnabókaverðlaun Reykjavíkurborgar

Barna­bóka­verð­laun Reykja­vík­ur­borgar voru veitt við hátíð­lega athöfn í Höfða síð­degis á síð­asta vetr­ar­degi, en það var Heiða Björg Hilm­is­dóttir borg­ar­stjóri sem afhenti verð­launin. Um er að ræða elstu barna­bóka­verð­laun lands­ins, en þau voru fyrst veitt árið 1973 og hafa verið veitt árlega í núver­andi mynd frá árinu 2016, í þremur flokkum: frum­samin verk á íslensku, mynd­lýs­ingar og þýð­ingar.

Í ár bár­ust dóm­nefnd­inni 66 hand­rit til skoð­unar, og voru fimm bækur til­nefndar í hverjum flokki áður en úrslitin voru kynnt. Dóm­nefnd­ina skip­uðu Sigrún Margrét Guð­munds­dóttir, sem gegndi for­mennsku, ásamt Arngrími Vídalín og Bergrúnu Öddu Páls­dóttur.

Verð­launa­hafar árs­ins 2025 eru eft­ir­far­andi:

• Frum­samið efni: Mamma sand­kaka eftir Lóu Hlín Hjálmtýs­dóttur (útg. Salka).
  
• Mynd­lýs­ingar: Tjörnin eftir Rán Flygenring (útg. Angústúra).
  
• Þýðing: Kynsegin eftir Maia Kobabe, í þýð­ingu Elíasar Rúna og Mars Proppé (útg. Salka).

Verð­launin eru veitt í þeim til­gangi að styðja við og efla vandað barna- og ung­menna­bók­mennta­efni á Íslandi.

Hér fyrir neðan má lesa umsögn dóm­nefndar um bæk­urnar:

Mamma sand­kaka eftir Lóu Hlín Hjálmtýs­dóttur. Útgef­andi: Salka.

Lóa Hjálmtýs­dóttir er eng­inn nýgræð­ingur í því að sprengja fólk á öllum aldri úr hlátri og Mamma sand­kaka er þar engin und­an­tekn­ing. Bókin er sjálf­stætt fram­hald af Mamma kaka, sem er afskap­lega fyndin bók, en hér gengur Lóa jafn­vel lengra í húmornum. Hér ríkir ein­tóm gleði og for­eldrar fá tals­vert fyrir sinn snúð á sama tíma og börnin.

Tjörnin eftir Rán Flygenring. Útgef­andi: Angústúra.

Í Tjörn­inni sjáum við sann­kallað ævin­týri í garð­inum þar sem er svo svaka­lega margt í gangi. Við hvern lestur þá sýna mynd­irnar okkur eitt­hvað nýtt og á sama tíma gefa þær sög­unni svo mikla dýpt. Teikn­ing­arnar flæða, rað­ast í röð, fylla upp í rýmið og stundum geta þær meira að segja stöðvað tím­ann. Rán hefur hér gefið okkur kunn­ug­legan en jafn­framt ævin­týra­legan heim.

Kynsegin eftir Maia Kobabe, þýð­ing: Elías Rúni og Mars Proppé. Útgef­andi: Salka.

Elías Rúni og Mars Proppé þýddu skáld­sög­una Kynsegin, sjálfsævi­sögu þar sem Maia Kobabe segir frá því hvernig hán fann sjálft sig eftir margra ára sjálfs­efa og óvissu. Þessi teikni­mynda­saga er listi­lega gert verk um mik­il­vægt mál­efni og hefur án efa verið áskorun fyrir þýð­end­urna tvo sem leystu ýmiss konar vanda­mál af lagni og virð­ingu fyrir efn­inu.

Hér má svo sjá aðrar bækur sem til­nefndar voru:

Frum­samin skáld­verk 

1. Kúkur, piss og prump, Sævar Helgi Bragason, útgef­andi JPV
2. Stór­kost­lega sum­ar­nám­skeiðið, Tómas Zoëga, útgef­andi Mál og menn­ing
3. Kasia og Magda­lena, Hildur Knúts­dóttir, útgef­andi JPV
4. Kóngsi geim­fari, Laufey Arn­ar­dóttir, útgef­andi Lofn

Mynd­lýs­ingar

1. Matti og Maurún, Laufey Jóns­dóttir, útgef­andi Bóka­fé­lagið
2. Kúkur, piss og prump, Elías Rúni, útgef­andi JPV
3. Skrímsla­veisla, Áslaug Jóns­dóttir, útgef­andi Mál og menn­ing
4. Tumi fer til tungls­ins, Lilja Cardew, útgef­andi Bóka­beitan

Þýðingar

1. Risa­eðlu­gengið: Leynd­ar­málið, Sverrir Jak­obs­son, útgef­andi Mál og menn­ing
2. Matti og Maurún, Andreas Guð­munds­son Gähwiller, útgef­andi Bóka­fé­lagið
3. Lockwood og co: Öskrin frá stig­anum, Sólveig Sif Hreið­ars­dóttir, útgef­andi Kver bóka­út­gáfa
4. Ég og Milla: Allt í köku, Jón St. Krist­jáns­son, útgef­andi Vaka Helga­fell