Leikskólavist verður gjaldfrjáls til klukkan tvö á daginn

Sveit­ar­stjórn Borg­ar­byggðar mun í dag taka fyrir til­lögu varð­andi breytt skipu­lag leik­skóla á sveit­ar­stjórn­ar­fundi.

Gengur fyr­ir­komu­lagið út á það að leik­skóla­vist muni verða gjald­frjáls til klukkan tvö á dag­inn.

For­eldrar er vista börn sín á leik­skóla lengur þurfa að greiða sam­bæri­legt gjald og áður.

Segir Stefán Broddi Guð­jóns­son sveit­ar­stjóri Borg­ar­byggðar að fyr­ir­komu­lagið sé líkt því sem er á Akureyri og hann væntir þess að fyr­ir­huguð breyt­ing muni koma til með að draga veru­lega úr þörf á mönnun.

Hann segir að launa­kostn­aður leik­skóla sé sveiflu­kenndur útaf álagi sem og ófyr­ir­sjá­an­leika. Breytt fyr­ir­komu­lag muni leiða til auk­innar hag­kvæmni þegar til lengri tíma er litið.

Bendir Stefán Broddi á það að leik­skóla­gjöld séu núna undir 10 pró­sentum af rekstr­ar­kostn­aði leik­skóla:

„Ég held að ég megi segja að hvergi á land­inu, meðal stærstu sveit­ar­fé­laga, hafi mælst eins mikil ánægja meðal íbúa með leik­skóla. Þetta er gott starf og við erum stolt af því,“ sagði Stefán í sam­tali við RÚV.